Stor takk til dei som stilde på dugnad i dag. Det vart gjort veldig mykje godt arbeid. Eg fekk tatt bilder av nokre av arbeidarane men nokon slapp dessverre unna.

Arnfinn i godt driv med rulla.

Trond gjer reine klippeaggregata og sprayer dei.

Johan løyser underknivar.

Opplæring i sliping av underknivar.

Sjefen står å arbeider på eit klippeaggregat.

Smøring av klippeaggregata

Denne laurdagen (13. april) vert det dugnad i løda frå kl. 11.00. Det er forskjellig forefallande arbeid som skal utførast og i tillegg få rydda opp inne og rundt løda.

Neste laurdag (20. april) håper vi på betre ver og arrangerer dugnad frå kl. 11.

Angåande dugnad Laurdag 20. April. frå Kl.1100 – 15.00

Om forholda tillet det skaffar vi pizza og så avsluttar vi med ei 9 hols runde etterpå.

Prioritet:

1. Skjære bunker kantar / Forberede påfylling av ny sand

• Fint om den som møter kan take med Stikkspade, og/eller Grafse og Stålrive.

2. Plukke kvist og kvast i rough og fairway.  

• Klargjere for robotklippar.
• Gå over heile bana.

3. Om det blir godt oppmøte:

• Sette ut dei nye lengdestakane.
• Valse fairwayar (traktor og valse)  Om fairway har tørka litt opp.
• Trefelling øvst på hol 13.
• Gå med ryddesag/kantklippar/beitesaks langs elva ved hol 4/5
• Plenty av oppgåver 😊

Vel møtt!!

Vår hovudsponsor Sparebank 1 SMN inviterer til foredrag og treningsøkt med Marit Bjørgen i Ørstahallen, onsdag 20. mars kl. 18:30 - 21:00.

Målgruppa er jenter frå 13 år og oppover og gutar i same alder om dei har lyst å vere med.

Les meir om arrangemanget her.

Vi er no komen til den tida på året der det er fare for frost. Vi har lagt inn blokkering fram til kl. 12, men sjølv om du bookar seinare på dag så skal du uansett ikkje gå på greenane om du kjenner at bakken er frosen. Det vil gje skader på graset og fotspora dine vil stå som visna gras til våren. Det er difor viktig at de respekterer dette. 

Vi vil gjere vurderingar framover om når vi stenger greenane for sesongen. Då vert flagga fjerna og det vert sett opp vintergreenar.

Avsluttingsturneringa gjekk forbausande nok i "fint" haustver og dei heftige regnbygene som har vore i heile haust heldt seg borte. Det var konkurrert i både Stableford og brutto klasse. Jan Egil Gretland var i ei eiga klasse og vant både Stableford og brutto. Han gjekk på 72 slag som var 8 slag betre enn Johan Liadal og Robert Graham som kom på 2. og 3. plass. I Stableford klassa så var det også Robert Graham som var nærast. Han var eit poeng bak Jan Egil som gjekk på 39 poeng. Jostein Digernes tok 4. plassen og Per Heltne 5. plassen, begge på 36 poeng. 

Det var også konkurrert om lengste utslag på hol 18 og nærast pinnen på hol 7/16. Det var ingen som tok lengste utslag frå raudt utslag då ingen av dei landa i fairway. Frå gult utslag så var det heilt likt mellom Rune Strømmen og Kai-Are Strande som delte denne. Nærast pinnen var Robert Graham.

Vermeldingane ser dårlege ut framover så det kan spøke for Lauvfall turneringane og nattgolfen. Om dei vert arrangert så vert det lagt ut melding om det både her og på Facebook.

Jostein Digernes, Kai-Are Strande, Robert Graham, Rune Strømmen og Jan Egil Gretland (Vinnar brutto og Stableford)

Stableford

Til vanleg kjempar Andreas Nupen og Marius Søvik Hjelle om sigeren i Narvesen Touren i region midt, men denne laurdagen var dei på lag i årets siste scramble turnering. Med seg på laget så hadde dei dei to ringrevane Jostein Digernes og Johan Liadal. Dette viste seg å vere ein god kombinasjon. Med 5 birdiar og 4 par, så holdt det til siger på -6. Det skilde berre 2 slag mellom første og sisteplassen så det var ei meget jamn turnering. 

Neste laurdag er det siste turneringa i SkOlsen Touren og helga etterpå er det søndagsturnering der vi har årets avsluttingsturnering over 18 hol med premiering i både Stabelford og brutto klassar. Om veret held seg utover hausten så vert det Lauvfall turneringar i dei påfølgjande helgane. Det er også planlagt ei nattgolfturnering. Vi ser an veret men håper å få til denne på ein fredagskveld enten neste helg eller helga etter.

Vinnarlaget bestod av Jostein Digernes, Johan Liadal, Marius Søvik Hjelle og Andreas Nupen.

17 spelarar stilde til start i den 11. runda av SkOlsen Touren. Per Heltne gjekk ei veldig god runde og tok sigeren med -3. Fire spelarar delte andreplassen på -1. Det var Rune Strømmen, Per Arve Hovde, Sindre Winjevoll og Kai-Are Strande. I grøntkort-klassa så var det Amir Muric som tok sigeren på +2.

Sindre Winjevoll, Per Arve Hovde, Amir Muric (vinnar GK), Per Heltne (vinnar) og Rune Strømmen

Heile 31 spelarar stilde til årets andre Sparebank1 turnering. Denne gongen var det Sparebank1 Open med premiering i Stableford og brutto klassar. Til trass for ein fuktig start så vart det gradvis betre ver utover i turneringa. 

I brutto damer var det Elsie Hansen som tok sigeren på 91 slag. Joar Voldsund fortsetter med sitt storspel og tok sigeren i brutto herrer på 72 slag. Nærast Joar var Tony Leknes på 74 slag med Lars Kåre Vikestrand rett bak på 75 slag.

I Stableford klassa så var det eldstemann, Svein Aasen som igjen gjekk ei veldig god runde og tok sigeren på 40 poeng. Bak Svein kom  Joar Voldsund og Tony Leknes, begge på 38 poeng. Per Arve Hovde og Roger Koppen tok 4. og 5. plass på 37 poeng.

Det var også konkurrert i lengste utslag på hol 18 og nærast pinnen på hol 7/16. Frode Hool Egge var den som slo lengst og Stein Monsholm kom nærast pinnen.

Per Arve Hovde, Tony Leknes, Kai-Are Strande, Frode Hool Egge, Roger Koppen, Elsie Hansen (vinnar brutto dame) Joar Voldsund (vinnar brutto herre), Jostein Digernes, Stein Monsholm, Lars Kåre Vikestrand og Svein Aasen (vinnar Stableford)

Stableford

Brutto Damer

Brutto Herrer