Tradisjonen tru så vert det Sparebank 1 Invitational første torsdagen etter klubbmesterskapet. I fjor var vi nesten tredve deltakarar og vi håper på minst like mange i år. Yr lover fint og varmt ver, så vi får håpe at varselet held og vi får ein flott sommardag på bana. 

Turneringsforma er Scramble med trear eller firarlag (alt etter kva som går opp med tal påmelde). Om ein har spesielle ønsker om kven ein vil gå i lag med så er det berre å skrive ned det i påmeldinga. Det vert premie til dei tre beste laga. Det vert også premie for lengste utslag på hol 18 og nærast pinnen på hol 7/16.

Banken stiller med representantar denne dagen og det vert servert ein matbit og drikke før ein går ut og så vert det eit varmt måltid når ein kjem inn igjen.

Alle er invitert og det er berre å melde seg på her.

Vel møtt!

Bilete frå premieutdelinga i 2024.

17 spelarar deltok i SkOlsen Tour 9. Like sikkert som hausten er i anmarsj så kjem ein formtopp på unge herr Gretland, som er svært vanskeleg å slå på denne tida av året. Denne onsdagen gjekk Jan Egil på -4 og tok sigeren med to slag betre enn Per Kristian Langlo på andreplass. Fire stykker delte tredjeplassen og dei to med lågast handicap var reiste heim, så så då gjekk premiane til dei to blide karane Jostein Digernes og Svein Aasen.

Heile resultatlista finn de her.

Per Kristian Langlo, Jan Egil Gretland (vinnar), Jostein Digernes og Svein Aasen.

Her kjem oppsummering frå andre del av sommarturneringane.

SkOlsen Tour 7

Resultatlista SkOlsen Tour 7

(Du skiftar resultatliste mellom klassene med å trykke på Grønt Kort eller A oppe til høgre.)

Johan Liadal, Olav Trandal, Helge Eltvik, Kariann Russenes (vinnar GK) og Jan Egil Gretland (vinnar)

I perfekt sommarver var det 22 spelarar som stilde til start i den sjuande runda av SkOlsen Touren. Det var mykje godt spel og heile 4 personar gjekk på -2. Det var Johan Liadal, Olav Trandal, Helge Eltvik og Jan Egil Gretland. Jan Egil har lågast handicap tok med det sigeren. I grønt kort klassa så var det Kariann Russenes som vart vinnar. Veldig kjekt at vi får med damer på turneringane.

SkOlsen 18-hol Scramble

Resultatlista SkOlsen 18-hol Scramble

Her gløymde vi dessverre å ta bilde, men vinnarlaget var Joar Voldsund, Jon Andre Rebbestad, Peder Barstad og Erik-Marius Riise. 

SkOlsen Tour 8

Resultatlista SkOlsen Tour 8

Andreas Nupen (vinnar), Joar Voldsund og Jan Egil Gretland

Denne kvelden var det meldt regn og torden så det var berre 7 modige spelarar som vågde seg ut. Best av desse 7 var Andreas Nupen, Joar Voldsund og Jan Egil Gretland som alle gjekk på -1. Andreas har lågast handicap og tok med det sigeren.

Lag-NM for juniorar

31. juli til 2. august var Andreas med på Lag-NM for juniorar på Fana golfklubb. Der han representerte han Sunnfjord Golfklubb. Andreas var på lag med Øyvind Sægrov og brødrene Nikolai og Marcus Goosen. Dei enda til slutt på ein respektabel 9. plass. Dei gjekk fem 18-hols runder på tre dagar. Runde 1 og 3 var Foursome, runde 2 og 4 var Fourball og runde 5 var single. 

Heile resultatlista frå Lag-NM for juniorar

Til trass for ferietid så har det vore godt oppmøte på SkOlsen turneringane i sommar. Lenke til resultatlista og bilete av vinnarane på dei tre første turneringane i juli finn de under. 

SkOlsen To-kølle

Heile Resultatlista

Svein Aasen og Kenneth Rusten (vinnar)

SkOlsen Tour 6

Heile Resultatlista

Harald Indresøvde (vinnar), Johan Liadal, Joar Voldsund, Kennth Rusten

SkOlsen Raud

Heile Resultatlista

Olav Trandal, Joar Voldsund (vinnar), Kenneth Rusten, Jan Egil Gretland og Kai-Are Strande

I regi av vår hovudsponsor Sparebank1 SMN arrangerte vi Sparebank1 SMN open med heile 38 deltakarar. Det var ikkje berre deltakartalet som var bra denne dagen, det var også spelet til Christer Adrian Mork som gjekk på 65 slag og mest truleg sette ny banerekord. Han tok med det også sigeren i klasse brutto jr./vaksen, heile 4 slag færre enn Oliver Sulebakk Sylte på 2. plass. Sveinar Øvrelid tok 3. plassen på 70 slag. Pallen i brutto jr./vaksen klassa var dominert av gjestane frå Sunnmøre golfklubb med beste volding på 4. plass. Det var Lars Kåre Vikestrand som var nokre slag bak. I klassa brutto senior var det Volda GK sin eigen Joar Voldsund som toppa lista på 73 slag med Per Bernt Aske på 2. plass på 74 slag og Robert Graham på 3. plass med 76 slag. Vi hadde nokre deltakarar som gjekk frå raudt utslag og det vart premiert for beste bruttoresultat i denne klassa. Det var Harald Indresøvde som vant denne klassa på 81 slag.

I Stableford klassa så vert det gitt poeng på kvart hol ut frå tildelte slag etter spelaren sitt handicap. I denne klassa var alle dei 38 spelarane med. Det var Christian Adrian Mork som dominerte denne klassa også. Sjølv Hovland ville hatt problem med å følgje denne karen i dag, med 7 birdiar, så enda Christian opp på heile 47 poeng. Hallgeir Frøystadvåg gjekk på 43 poeng og tok andreplassen. Trond Heltne og Robert Graham delte 3. plassen på 41 poeng. Det var mykje godt spel og dei 11 første på lista spelte på sitt handicap eller betre.

Det var også premie til den som kom nærast pinnen på hol 7/16 og lengste utslag frå både gult og raudt utslag på hol 18. Det var Eldar Djupvik Johansen som kom nærast pinnen og var om lag 1 meter frå holet på sitt utslag. Bente Ørsal var den som slo lengst frå raudt utslag og Marius Ryste Skjeret frå gult. Marius slo om lag 250 meter i motvinden, noko som er mildt sagt imponerande.

Resultatlistene finn de her!

29. august kl. 13 er det Sparebank1 SMN Invitational, så det er berre å sette av datoen og ordne seg ein halv ferie/avspaseringsdag. I denne turneringa er det det sosiale og kosen som står i høgsetet. Det vert Scramble med 3 eller 4 på lag. Sparebanken stiller med noko å bite i før ein går ut og litt mat når ein kjem inn og ventar på premieutdelinga.

Eldar Djupvik Johansen, Hallgeir Frøystadvåg, Per Bernt Aske, Sveinar Øvrelid, Christer Adrian Mork (vinnar brutto jr./vaksen og Stableford), Joar Voldsund (vinnar brutto senior), Trond Heltne, Marius Ryste Skjeret, Oliver Sulebakk Sylte, Robert Graham, Harald Indresøvde (vinnar brutto raudt), Olav Trandal og Bente Ørsal

27 spelarar stilde til årets finaste kveld, så langt i år for den femte turneringa i SkOlsen Touren. Kai-Are Strande har funnet forma og storspelte og gjekk på heile -4. Joar Voldsund, Leon Myrvåg og Svein Aasen gjekk alle på -2 og delte andreplassen. Jan Egil Gretland og Harald Indresøvde gjekk på -1 og delte femteplassen.

Heile resultatlista finn de her!

Jan Egil Gretland, Kai-Are Strande (vinnar), Svein Aasen, Joar Voldsund, Leon Myrvåg og Harald Indresøvde

På par-3 turneringa så flyttar vi utslaga slik at vi får 18 utslag med lengde frå 40 meter til 150 meter, slik at alle hola vert par-3 hol. Jan Egil Gretland og Are Myklebust takla nærspelet best og gjekk begge på -3, heile 5 slag betre enn nestemann. Jan Egil har lågast handicap og vart kåra til vinnar. Kai-Are Strande tok tredjeplassen med Jostein Digernes og Joar Voldsund på plassane bak.

Heile resultatlista finn de her!

Kai-Are Strande, Are Myklebust, Jostein Digernes, Joar Voldsund og Jan Egil Gretland (vinnar)

Det var ikkje den best vermeldinga til dagens turnering, men det var mange med longbukse som angra valet då sola kika fram rett etter start. Det vart premiert i brutto jr./vaksen, brutto senior og Stableford. Sidan det var heile fire stykker som gjekk frå raudt utslag så vart også vinnaren der premiert.

Av dei som slo ut frå raudt så var det Elsie Hansen som gjekk på færrast slag. 81 slag brukte ho på runda. Svein Aasen var nærast Elsie på 84 slag. 

I brutto jr./vaksen klassa så var det Sindre Winjevoll som gjekk på færrast slag. Han gjekk på 78 slag. Det var tre slag mindre enn Frode Hool Egge på 2. plass og 11 slag mindre enn Jørn Sævik på 3. plass

I brutto senior klassa så var det Kai-Are Strande som gjekk på færrast slag. Han brukte 76 slag som var 5 slag færre enn Jan Egil Gretland på 2. plass. Petter Hansen tok 3. plassen eit slag bak Jan Egil.

Evigunge Svein Aasen brukte eit slag mindre enn alderen sin og gjekk på 39 poeng og tok med det sigeren i Stableford klassen. Kai-Are Strande, Elsie Hansen og Sindre Winjevoll gjekk alle på 38 poeng og tok 2., 3. og 4.plassen.

Det var også konkurrert i nærast pinnen og lengste utslag på hol 18. Nærast pinnen var Elsie Hansen som forsynte seg grovt av premiebordet i dag. Ho var 50 cm frå holet på sitt utslag på hol 7/16. Lengste utslag frå gul tee var Rune Strømmen og frå raud tee var det Tore Skåltveit.

Heile resultatlista finn de her

Olav Trandal, Jan Egil Gretland, Kai-Are Strande (vinnar brutto senior), Jørn Sævik, Trond Heltne, Petter Hansen, Rune Strømmen, Elsie Hansen (vinnar brutto raud), Svein Aasen (vinnar Stableford) Robert Bucham Graham, Joar Voldsund, Sindre Winjevoll (vinnar brutto jr./vaksen) og Frode Hool Egge.

Toyota bz4X kan du prøvekøyre hos Toyota Sunnmøre i Hovdebygda.

23 spelarar gjekk den fjerde SkOlsen Tour turneringa for sesongen. Andreas Nupen og Harald Indresøvde gjekk begge på -1, men med lågare handicap tok Andreas 1. plassen. Bak Andreas og Harald kom Rune Strømmen og Tore Skåltveit som begge gjekk på par.

Heile resultatlista finn de her

Andreas Nupen (vinnar), Harald Indresøvde, Johan Liadal, Tore Skåltveit og Sindre Winjevoll

Det var dessverre litt få deltakarar på flaggturneringa dette året, men som de ser på biletet under så var det god stemning blant dei som var der. I flaggturneringa så er det om å gjere å kome så langt som mogleg ut frå tildelte slag før ein plantar flagget sitt. Joar var den einaste som kom til hol 19 og tok med det sigeren. Dei fleste planta flagget sitt på hol 18 og 17, medan ein spelar som ikkje hadde heilt dagen planta sitt flagg på hol 15. Helge Eltvik kom i koppen på hol 18 og tok andreplassen og Johan Liadal var 10 cm frå holet på tredjeplass.

Joar Voldsund (vinnar), Helge Eltvik og Johan Liadal

Resultatliste