SkOlsen Tour 5 vart vunnen av Rune Strømmen som gjekk på -3. Andreplassen tok Helge Eltvik på -2. Det vart delt tredjeplass mellom Joar Voldsund og Johan Liadal som begge gjekk på -1.

I SkOlsen par-tre turneringa så vart alle utslaga flytta slik at kvart hol vart eit par-tre hol. Lengda på kvart hol varierte frå omlag 20 meter til omlag 150 meter. Det var Joar Voldsund som var den som mestra nærspelet best denne kvelden og gjekk av med sigeren. Johan Liadal gjekk likt med Joar men på grunn av høgare handicap kom han på andre plassen. Eit slag bak desse kom Svein Aasen. 

Svein Aasen, Joar Voldsund (Vinnar) og Johan Liadal

Heile 27 spelarar deltok på SkOlsen Tour 4. Det var veldig jamt denne gongen. Fire slag skilde førsteplassen frå 15. plassen. Det var to som delte førsteplassen denne kvelden. Det var Jostein Digernes og Trond Are Ryste. Heile fire stykker delte tredjeplassen. Det var Lars Kåre Vikestrand, Petter Hansen, Svein Aasen og Idar Arne Rebbestad.

Petter Hansen, Trond Are Ryste (vinnar), Lars Kåre Vikestrand, Idar Arne Rebbestad, Jostein Digernes (vinnar) og Svein Aasen

Det var 24 påmelde til årets Pink Cup som var delt opp i åtte trear-lag som konkurrerte mot kvarandre i scramble. Vinnarlaget var Rolf Ørsal, Joar Voldsund og Trond Are Ryste. To slag bak kom Jan Egil Gretland, Bente Ørsal og Janne Monsholm. På tredje plass, tre slag bak vinnarane kom Svein Aasen, Sindre Winjevoll og Per Arve Hovde. Det var også premie til lengste dameutslag og herreutslag på hol 3 og nærast holet på hol 7. Britt Indresøvde slo lengst av damene og Trond Are Ryste slo lengst av herrane. Webjørn Yksnøy Bergmann var den som kom nærast holet.

Pink Cup er eit samarbeid mellom Norges golfforbund og kreftforeningen. Overskotet av turneringa går til brystkreftsaka.I tillegg til turneringsavgift var det sal av suppe, kaker, kaffe, m.m. Det var også loddsal der premiane var gitt av våre gode samarbeidspartnerar Sparebank 1 Søre Sunnmøre, SkOlsen, Møbelringen, Stein Gisle Monsholm, Vienna Mote, SunKost Ørsta, m.fl. Foreløpig oppteljing viser eit overskot på nesten kr. 7.000. Det er litt ned frå i fjor, men då hadde vi fleire gjestar frå naboklubbane. I år arrangerer bl.a. Sunnmøre golfklubb Pink Cup sjølve. 

Ein stor takk til damegruppa i Volda golfklubb for eit flott og godt gjennomført arrangement.

Vinnarane og arrangementskomiteen.

Øivind og Svein var heldige og fikk sitte på damebordet.

Arrangementskomiteen vert fotografert av reporter frå Møre Nytt.

Ein flott gjeng stilde i dag og spelte matchane sine samstundes. Det var ein del som var vekkreist denne helga eller hadde andre gjeremål. Den mest uheldige hamna på sjukehus men er forhåpentlegvis snart attende på golfbana. Sjølv om det var mange vekke så møtte det opp fleire som ikkje hadde matchar i dag og gjekk matchar mot kvarandre for å få treninga.

Det har begynt å kome inn nokre resultat frå matchane. Det er fortsatt heilt ope kven som går vidare til kvartfinalane.

Klikk her for å sjå oversikt over matchane og resultata i gruppespelet.

24 spelarar deltok på tredje turneringa av SkOlsen Touren. I fint ver var det mykje godt spel. Den som gjekk best denne onsdagen var Sindre Winjevoll som susar nedover i handicap. Andreplassen vart delt mellom Johan Liadal og Terje Kalvatn.

Trond Are Ryste, Terje Kalvatn, Johan Liadal, Helge Eltvik og Sindre Winjevoll (Vinnar)

Då har vi trekt gruppene for gruppespelet. Det er 24 golfarar som er påmelde. Dei er fordelt på fire grupper med seks i kvar gruppe. Sjå gruppene under. Både gruppene og rekkjefylgja er trekt tilfeldig. Kvar spelar er sett opp i match mot den som er over  og under seg på lista i tillegg til den som er tre nedom/oppom. Dette gir då tre matchar for kvar spelar i gruppespelet. 

• Matchar i gruppespelet går over ni hol
• Front eller back vert trekt før de går ut.
• Det skal spelast med fullt spelehandicap
• Seier gir 2 poeng og uavgjort gir 1 poeng
• Ved lik poengsum så er det tal på hol opp som avgjer. Om det då fortsatt er likt så vert det omspel til vi har ein opp.
• Dei to beste i kvar gruppe går vidare til kvartfinalen.
• Resultat i matchane i gruppespelet skal de sende til Olav (This email address is being protected from spambots. You need JavaScript enabled to view it.)
• Alle matchane i gruppespelet skal vere ferdige til 17. juni

De har kanskje sett at det er nokre endringar frå det opprinnelege oppsettet. Vi har etterkvart oppdaga at det var ein del føresetnader som vi ga som ikkje let seg gjennomføre i praksis då det var logiske bristar. Dette er første gongen vi gjennomfører gruppespel i matchplay cupen så vi lagar litt vegen medan vi går og så får vi ta med erfaringane til neste år så det vert endå meir straumlinjeforma.

Målet vårt er å gjere matchplay cupen meir attraktiv og at spelarane får fleire matchar og ikkje er ferdig etter den eine om dei skulle tape. Om ein går ei dårleg runde så har ein kanskje mulighet til å kome seg vidare til sluttspelet likevel. Vi håper at dette er eit konsept som de vil like og som gjer at vi får med fleire på matchplay cupen i åra framover.

Onsdag 12. juni arrangerer Volda golfklubb årets viktigaste turnering. Norges Golfforbund og Kreftforeninga har sidan 2008 samarbeida om turneringa Pink Cup, der formålet er å å samle inn pengar til brystkreftsaka og skape positivt engasjement i klubbane.

Det vert i tillegg til sjølve turneringa muligheit for å kjøpe seg mat og drikke. Det vert også utlodding med fine premiar. Alt som kjem inn av pengar går direkte til brystkreftsaka. I fjor vart det samla inn 1,35 millionar på Pink Cup. (Ikkje berre i Volda) 

Det vert scramble med premiering av dei beste laga i tillegg til nærast pinnen og lengste drive.

Klikk her for å kome til påmelding og turneringsinfo.

Vi håper flest mogleg kan vere med på turneringa og støtte denne gode saka.

Velkommen til Pink Cup – årets viktigste turnering

Norges Golfforbund og Kreftforeningen har siden 2008 samarbeidet om turneringen Pink Cup, hvor formålet er å å samle inn penger til brystkreftsaken og skape positivt engasjement i klubbene.

Heile 44 spelarar deltok på Nordvest Tour Volda - Tess Open fordelt på tre klasser. I kvar klasse vart det konkurrert i brutto og stableford. Nordvest Tour er eit samarbeid mellom ni golfklubbar på sunnmøre og i nordfjord. Det er Ålesund golfklubb, Sunnmøre golfklubb (Ulstein/Hareid), Volda golfklubb, Vanylven golfklubb, Stranda golfklubb, Nordfjord golfklubb, Selje golfklubb, Sandane golfklubb og Sunnfjord golfklubb.

I junior klassa vart det heilt likt mellom dei to juniorane Andreas Årseth (Sunnfjord GK) og Kristoffer Trandal (Volda GK). Begge gjekk på 77 slag og med omlag heilt likt handicap så enda begge på 31 poeng. 

Brutto vaksen vart vunne av Bjørn Julius Ulstein Vattøy (Sunnmøre GK) Han gjekk på 71 slag som er eit slag over banepar. Rett bak kom Tore Gjerdalen (Sunnfjord GK) på 72 slag og Jan Egil Gretland (Volda GK) på 73 slag. Tore Gjerdalen (Sunnfjord GK) gjekk på heile 43 poeng og vant i stableford. På andre plass kom Dag Roar Ørsal (Volda GK) på 41 poeng og på tredje plass var det Bjørn Julius Ulstein Vattøy (Sunnmøre GK) på 40 poeng. Det var mykje godt spel i vaksenklassa og heile 7 stk. får ei justering ned i handicap.

Det var også mykje godt spel i seniorklassa. Tore Naustdal (Nordfjord GK) brukte færrast slag i seniorklassa. Han gjekk på 76 slag. Per Kristian Langlo (Volda GK) vart nummer to med 81 slag. Joar Voldsund (Volda GK) og Robert Graham (Sunnmøre GK) delte tredjeplassen med 82 slag. Dei to første plassane i stableford gjekk til dei same som i brutto. Tore fekk 40 poeng og Per Kristian gjekk på sitt handicap på 36 poeng. Tredjeplassen vart også her delt men Joar var bytta ut med Jon Tore Sætre (Vanylven GK) som delte med Robert Graham.

Det var også konkurrert i nærast pinnen på hol 11 og lengste utslag på hol 18. Det var Thomas H. Pettersen (Sunnmøre GK) som var nærast pinnen og landa 3 meter og 93 centimeter frå holet. Den som slo lengst på hol 18 var Kristoffer Trandal.

Det var mykje skryt frå dei tilreisande for ei flott bane. Det skal vi bringe vidare til banemannskapet som legg ned mykje arbeid for at vi skal ha ei slik flott bane her i Volda. Vi vil også takke Tess Ørsta/Volda i Hovdebygda med avdelingsleiar Arthur Geir Brænne som har stilt med flotte premiar til vinnarane. Det var bekledning, verktøy, støvsugar og elektroverktøy som vinnarane kunne ta med seg heim. Ein stor takk til damegruppa som stilde i kiosken og serverte slitne golfarar kaffi, vafler og kaker for å få blodsukkeret i (u)balanse.

NB! Det er lagt inn fleire bilder under resultatlistene.

Jan Egil Gretland, Dag Roar Ørsal, Jon Tore Sætre, Thomas H. Pettersen, Andreas Åresth, Per Kristian Langlo, Kristoffer Trandal, Bjørn Julius Ulstein Vattøy, Joar Voldsund og Tore Naustdal.

Junior Brutto

Junior Stableford

Voksen Brutto

Voksen Stableford

Senior Brutto

Senior Stableford

Flotte premiar frå Tess.

Klare til start.

Når det er så mange som 44 spelarar på bana så vert det tid til ein liten pust i bakken. Jan Egil gjekk med paraplyen oppe heile turneringa for å halde regnet vekke. (Vi er ikkje overtruiske)

Kasserar Peder Barstad  ved green på hol 3.

Robert Graham klar for innspel på green på hol 3.

Tretten barske karar trossa ver og vind denne siste onsdagen i mai. Med nysnø i fjella og regnet som ausa ned som på ein somardag i Bergen så tømde dei baggane sine for køller, utanom to pluss putter. Det er mange vurderingar i valet av desse to køllene og nesten same kva ein vel så vert dei andre 11 køllene sterkt sakna desse timane. Nokre takla fråværet av køller betre enn andre og den som takla det best denne kvelden var Torstein Lianes som gjekk av med sigeren. På dei neste plassane så kom Jan Egil Gretland og Per Kristian Langlo.

No håper vi på meir sol og varme framover. 

Jan Egil Gretland, Torstein Lianes (Vinnar) og Per Kristian Langlo