Vil med dette ynskje alle velkomen til Nordvest Tour Volda - Tess Open på søndag 2. juni. Det er begynt å sige inn med påmeldingar men vi har plass til fleire. Vermeldingane for søndagen ser akkurat no bra ut. Det er vår turneringssponsor Tess i Hovdebygda som står for premiane til turneringa. Damegruppa i Volda golfklubb stiller med kiosksal på turneringa og det vert mogleg å få kjøpt seg både mat og drikke. 

Påmelding kan de gjere ved å klikke her!

Vel møtt!

Det er fortsatt litt få påmeldte til Toyota Sunnmøre Matchplay Cup så vi utvider påmeldinga nokre dagar til. I år har vi eit ynskje om at alle skal få fleire matchar i eit gruppespel før sluttspelet slik at ein ikkje ryk ut etter ein kamp. Vi har ikkje heilt landa korleis vi skal få det til men oppsettet kjem snart.

Meld dokke på! Det vert fine premiar frå Toyota Sunnmøre AS der dei fire første vert premiert på årsmøtet i 2020. Førstepremien er ein wedge frå enten Callaway eller Titleist. Toyota Sunnmøre spanderer ein 3 pk. med Toyota Sunnmøre golfballar på alle som stiller.

Vi har eit håp om å få køyre gruppespelet nokonlunde samla. Mest truleg helga etter Tess Open Nordvest Tour i Volda. 

Kveldens SkOlsen Tour gjekk i lett regn men med god temperatur. Vinnar vart Olav Trandal som gjekk på -3. Etter å ha starta sesongen noko svakt så ser det ut som han kan ha begynt å finne forma. Rett bak på andre plass kom Rune Strømmen på -2. Idar Arne Rebbestad og Sindre Winjevoll fekk delt tredje plass på -1. Rune og Sindre låg heilt i toppen på forrige SkOlsen Tour også så dette kan bli bra samanlagt om dei fortset slik.

Olav Trandal (vinnar), Idar Arne Rebbestad, Rune Strømmen og Sindre Winjevoll

Tysdag 21. mai 2019 klokka 18.30 startar Volda golfklubb opp med barnegolf. Det vert for barn i alderen 7 til 12 år. Det vert treningar kvar tysdag fram til sommarferien i første omgang. Vi har alt du treng av utstyr så du treng ikkje kjøpe eige utstyr. Det er berre å møte opp på golfbana i Vassbotnen. Det er fritt fram for å kome å prøve om de er usikre på om dette er noko ein vil vere med på eller ikkje.

Onsdag 5. mai arrangerte vi årets første SkOlsen Scramble. Det var heile 26 deltakarar som var med i fineveret. Vinnarparet vart Jan Egil Gretland og Håvard Dalsbø tett fylgt av para som delte andreplassen, Bjørn Arve Korsfur og Tore Skåltveit, og Harald Indresøvde og Olav Trandal.

Jan Egil Gretland, Harald Indresøvde, Håvard Dalsbø, Bjørn Arve Korsfur, Tore Skåltveit og Olav Trandal

Søndag 19. mai frå klokka 12 til 15 vert det kickoff for barnegolfen på treningsområdet til Volda golfklubb. Er du i alderen 7 til 12 år og kunne tenkt deg å prøve golf så er du hjarteleg velkomen fram i Vassbotnen. Du får prøve å slå golfballar med forskjellige køller på drivingrangen og putte på treningsgreenen. Roy og Kai vil nok ha nokre andre spennande øvelsar også som du kan prøve deg på. Hovudsponsoren vår Sparebank 1 Søre Sunnmøre stiller med is. Du treng ikkje å ha nokon kunnskap om golf frå før for å delta. Dette er ei heilt uformell samling der du kan ha med deg foreldre og søsken. Vi skal ha kaffi til dei vaksne slik at dei kan drikke kaffi og snakke med andre vaksne så dei ikkje forstyrrer deg når du spelar golf. 

Om du synest at dette var kjekt og kunne tenkt deg å fortsette så vert det starta opp treningar kvar tysdag framover.

Om nokon vaksne skulle lese denne meldinga og har barn/barnebarn i denne alderen så er det fint om du kan informere dei som er i denne aldersgruppa om dette arrangementet.

Vel møtt til store og små!

Vårspretten Felleskjøpet Open vart utsett ei veke i høve oppsett plan noko som var fornuftig. I staden for snøbyger så var det lettskya med stadige solgløtt. Det var mykje godt spel og John Ivar Stennes gjekk av med sigeren på -3. På andre plass kom Lars Kåre Vikestrand som er i kanonform for tida og gjekk nok ein gong på -2. Om dette fortsetter så er det ikkje lenge før han er scratch-spelar. I grøntkort-klassa var det Håvard Dalsbø som vant. Han starta turneringa med 46 i handicap og gjekk på heile -12. Det gjer at dette vart både første og siste turneringa hans i grøntkort-klassa. Etter turneringa så er han nede på 35,5 i handicap og må stille i herre-klassa i neste turnering. Premiane kom frå friluftsavdelinga til turneringssponsor Felleskjøpet.

Lars Kåre Vikestrand, Per Kristian Langlo, Håvard Dalsbø (Vinnar GK), Harald Indresøvde, Arnfinn Strande og John Ivar Stennes (Vinnar)

Årets første SkOlsen Tour gjekk av stabelen i friskt vårvêr med berre nokre få plussgrader. Det hindra ikkje Sindre Winjevoll i å storspele. Han gjekk på heile -5 og går kraftig ned i handicap. Lars Kåre Vikestrand på andreplass gjekk på 35 slag som er bane-par. Bana er no i veldig fin stand og vi gler oss til neste turnering som er allereie denne helga. Det er Vårspretten Felleskjøpet Open som egentlig skulle vore forrige helg men vart utsett på grunn av dårleg vêr. Vêrmeldinga ser bra ut til helga så det er berre å melde seg på. Det vert fine premiar frå Felleskjøpet.

Rune Strømmen, Sindre Winjevoll, Lars Kåre Vikestrand og Svein Aasen

Tysdag 7. mai hadde Volda golfklubb besøk av 17 blide damer frå Inner Wheel. Dei fekk prøvt seg på treningsområdet vårt og vart delt opp i to grupper der den eine slo ut på drivingrangen og den andre var på treningsgreen å putta. Etter halvgått tid bytta dei. Dei var under kyndig veiledning av Webjørn Bergmann og Ole Magnus Orlien. Nokre av damene er røynde golfarar og bisto også med instruksjon. Etter treninga ute så var det samling i klubbhuset der leiar Olav Trandal fortalde om klubben før dei avslutta med mat og soialt samvær.

Det er stor sjanse for at det fortsatt ligg snø på golfbana på søndag. Det er meldt 2 grader og regn på starttidspunktet på turneringa. Meldingane for neste helg ser mykje betre ut så vi har i samråd med Felleskjøpet bestemt at turneringa vert flytta frå søndag 5. mai til søndag 12. mai. Dei som har meldt seg på har fått beskjed om at den vert flytta.

Den vert nok også snart flytta i golfbox, så då er det berre å melde seg på.