Vi har vurdert om bana bør stengast dei komande dagane på grunn av dei store nedbørsmengdene som har kome og er varsla dei første dagane.

Konklusjonen er at vi held bana open for spel men oppmodar alle om å bruke vit og sunn fornuft.

- Berre matte-utslag skal brukast (der matte er utlagd) 2.køller regelen gjeld ikkje. Tee klossar står i dag ved matte.
- Vis varsemd ved innspel til green 1. Det er ikkje høve til å hente ballen om han vert liggande på duken i det nysådde området. (blå stakar med kvit topp)
- Unngå full sving prøveslag frå fairway.

SkOlsen Tour 9 som skulle vere siste onsdagsturneringa vart flytta til laurdagen på grunn av dugnad på green 1. Det vart ikkje tatt bilde av vinnarane då dei fleste nytta høvet til ei strafferunde i det fine veret. Jan Egil Gretland vant på -4. Helge Eltvik og Idar Arne Rebbestad delte andreplassen på par. Fullstendig resultatliste finn du under.

SkOlsen Tour 10 gjekk i fint haustver og denne laurdagen var det Gretland sr. (Jan Trygve) som gjekk av med sigeren på -3 i lag med Stein Monsholm. Olav Trandal og Gretland jr. (Jan Egil) delte tredjeplassen på -2. Jan Egil er verkeleg i storslag for tida og det går rykter om ei sterk runde i Toyota Sunnmøre Matchplay cup der han denne veka gjekk på 63 slag.

Stein Monsholm, Jan Trygve Gretland, Olav Trandal og Jan Egil Gretland

Dei siste par vekene har vi hatt tre hole in one. Vegard Hellebust var først ute med hole in one den 10. august på hol 11. Han brukte eit åttar-jern. Håvard Dalsbø og Leon Myrvåg hadde begge hole in one den 27. august. Først var det Håvard på føremiddagen med hole in one på hol 11 med eit åttar-jern. På kvelden hadde Leon hole in one på hol 16 med ein Approach.

Vegard Hellebust på hol 11

Håvard Dalsbø på hol 11

Foten til Leon Myrvåg på hol 16

23 personar stilde til start på klubbmeisterskapet. Som vanleg så går klubbmeisterskapet over to dagar der ein speler 18 hol kvar dag.

Første dagen gjekk Lars Kåre Vikestrand på 71 slag og leia vaksen klassa med fire slag på Jan Egil Gretland og seks slag på Rune Gaarder og Torstein Akslen Lianes. I seniorklassa var det Rune Humberset som leia første dagen med  2 slag på Joar Voldsund. Mari Chluba stilde som einaste dame og gjekk første dagen på 83 slag. Kristoffer Trandal har vore einaste i juniorklassa dei siste åra. Denne helga starta han på folkehøgskule på Hamar og hadde ikkje mulighet til å stille. Det er godt å sjå at barnegolfen har fått nokre trufaste golfarar og det er ikkje lenge før desse er med i juniorklassa. I stableford klassa så var det Torstein Akslen Lianes som leda med 45 poeng  med Håvard Dalsbø rett bak.

På dag to så fortsatte Lars Kåre storspelet og gjekk på 70 slag som er banepar. Han sikra dermed sigeren i voksenklassa og kan også titulere seg som Klubbmeister 2019. Jan Egil gjekk også ei god runde på 72 slag og sikra med det andreplassen. Rune Gaarder kom på tredjeplass. I seniorklassa gjekk Joar andre dagen på 79 slag mot Rune Humberset sine 82 slag og dermed bytta dei plass på resultatlista.På tredjeplass etter Joar og Rune kom Petter Hansen..Mari gjekk andre dagen på 80 slag, tre slag betre enn første dagen. I stableford klassa så var det Håvard Dalsbø som gjekk av med sigeren med gode runder både laurdag og søndag. Torstein hadde ei god runde på søndagen men ikkje like god som dagen før og måtte sjå Håvard klatre forbi på resultatlista. Tredjeplassen i stableford klassa gjekk til klubbmeisteren Lars Kåre.

Premiane til vinnarane var gåvekort frå SkOlsen.

Torstein Akslen Lianes, Rune Humberset, Håvard Dalsbø, Mari Chluba, Joar Voldsund, Lars Kåre Vikestrand (Klubbmeister), Jan Egil Gretland og Rune Gaarder.

I strålande solskin gjekk SkOlsen snorturnering av stabelen. Snorturnering er ei turneringsform der kvar spelar får utdelt ei snor som er like lang i meter som tal på tildelte slag. Denne snora får ein undervegs bruke til å forbedre ballen sin posisjon på bana. Flyttar ein ballen ein meter må ein klippe av ein meter på av snora. Snora bør ein bruke opp under turneringa, for det gir ingen fordelar å sitte att med snor når ein er ferdig.

Den som brukte snora si smartast var Per Kristian Langlo som gjekk på 29 slag. Tett bak kom Joar Voldsund og Helge Eltvik.

Per Kristian Langlo (vinnar), Joar Voldsund og Helge Eltvik.

Johan Liadal og Peder Barstad klipper av snora til Olav Trandal.

Roy Inge og Kai Rune er klar for å ta til igjen etter ferien og det vert oppstart tysdag 27. august klokka 18.30 til 20.00 i Vassbotnen.

Barnegolf er for deg som er mellom 7 og 12 år. Det vert treningar framover hausten på tysdagane frå 18.30 til 20.00.

Vi ynskjer både tidlegare og nye golfarar velkomne.

Det har berre stått SkOlsen overraskelsesturnering i kalenderen. No er det bestemt at det vert snorkonkurranse på onsdag 21. august. Turneringa er no lagt inn i golfbox og det er berre å melde seg på. De kan klikke her for å kome direkte til turneringa. 

Snorturnering er ei turneringsform der kvar spelar får utdelt ei snor som er like lang i meter som tal på tildelte slag. Denne snora får ein undervegs bruke til å forbedre ballen sin posisjon på bana. Flyttar ein ballen ein meter må ein klippe av ein meter på av snora.

Snora bør ein bruke opp under turneringa, for det gir ingen fordelar å sitte att med snor når ein er ferdig.

21 spelarar stilde i onsdagens turnering i lett sommarregn. Joar Voldsund, Par Arve Hovde og Helge Eltvik gjekk alle på -2. Det var jamt i toppen og det skilde 4 slag mellom dei 11 første. Etter turneringa skein det opp og vinnarbilda vart tatt i strålande kveldssol.

Vinnarane Joar Voldsund, Per Arve Hovde og Helge Eltvik

Måndag 19. august klokka 18.00 startar vi med "Veien til golf" kurset på klubbhuset i Vassbotnen. Kurset går over fire kveldar der første kvelden er teoretisk medan dei tre andre kveldane er praktisk opplæring. For å kunne spele golf på ei golfbane så må du ha tatt dette kurset.

Kurset kostar kr. 1.500 for junior og vaksne og kr. 600 for barn opp til 16 år. Inklusiv i prisen for kurset er medlemskap i Volda golfklubb som gir deg rett til å spele på bana vår i Vassbotnen heile sesongen 2019. I tillegg gir vi deg også medlemsskap for sesongen 2020 om du tek kurset no i haust.

Om det ikkje høver for deg denne gongen så satsar vi også på å halde eit kurs i slutten av september.

Om du ynskjer å starte med å spele golf så kan du melde deg på kurs med å sende ein epost til This email address is being protected from spambots. You need JavaScript enabled to view it..