I år måtte vi gjennom eit par ekstra vinterar før vi kunne arrangere Vårspretten Felleskjøpet Open og vi var litt bekymra for at det skulle bli Sommarspretten før vi fikk arrangert den. Felleskjøpet stiller med gåvekort som premiar i denne årvisse turneringa Det er fortsatt mogleg å melde seg på. Du kan gå rett til turneringa ved å klikke her.

Vi kan no ha shotgun start og premieutdeling opp til 50 personar.. Vi skal sjølvsagt framleis halde smittevernreglane og halde god avstand og vise omsyn til kvarandre.

Harald Dalsbø frå Felleskjøpet ynskjer alle golfarar velkomen til Vårspretten Felleskjøpet Open.

Styret har vedtatt ein ny midlertidig lokal regel om ballplassering i bunker. Regelen er utarbeidd av Norges golfforbund på grunn av koronasituasjonen og gjeld berre så lenge det er restriksjonar på bruk av raker i bunker.

Midlertidig lokal regel om ballplassering i bunker

Når en spillers ball ligger i en bunker, kan spilleren ta fritak uten straff én gang ved å plassere den opprinnelige ballen eller en annen ball i og spille fra dette fritaksområdet:

• Referansepunkt: Punktet til den opprinnelige ballen.
• Størrelse på fritaksområde målt fra referansepunkt:Én køllelengde fra referansepunktet, men med følgende begrensninger:
• Begrensninger for plassering av fritaksområde:
  • Må ikke være nærmere hullet enn referansepunktet, og
  • Må være i bunkeren.

Etter denne lokale regel må spilleren velge et punkt for å plassere ballen og bruke fremgangsmåten for å plassere tilbake en ball etter regel 14.2b(2) og 14.2e.

Straff for å spille ball fra et feil sted ved brudd på lokal regel: Generell straff etter regel 14.7a.

Då sit vi her igjen i snøbygene og tek den tunge avgjerda om å flytte turneringa nok ein gong. I samarbeid med sponsor Felleskjøpet så vert turneringa flytta til Kristi himmelfartsdag som er torsdag 21. mai . No kjem fineveret og temperaturane mangedoblar seg så det er berre å melde seg på.

Klikk her for å gå direkte til turneringa.

Golfen sin eigenart der få personar går i lag og med god avstand gjer at vi kan drive idretten vår omlag som før, men med restriksjonar. No har golfforbundet laga nye retningslinjer som gjer at vi kan starte opp med "Vegen til golf" kurs. Når du har tatt dette kurset og er medlem i ein golfklubb, kan du spele på stort sett alle baner rundt om i verda. Kurset kostar kr. 1.500 for vaksne og kr. 600 for barn opp til og med 16 år. Det inkluderer også medlemsskap i Volda golfklubb for 2020 som gjer at du kan spele så mykje du vil på bana vår i Vassbotnen i år. Vi kjem fortløpande til å ta inn kursdeltakarar gjennom heile sesongen.

Kurset under Korona er sett opp slik:

1. Ta kontakt med Volda golfklubb på This email address is being protected from spambots. You need JavaScript enabled to view it. for påmelding. Klubben sender ut lenke til e-læringskurset som tek for seg teoridelen av kurset.
    
2. E-læringskurs. Dette kan du ta i fred og ro heime. Omfanget er omlag ein time. Golfforbundet anbefalar at du tek kurset på ei datamaskin slik at du kan ha oppe kursmateriellet der du finn "fasiten" medan du svarar på spørsmåla. Om du svarar feil så får du beskjed om det og kan svare om igjen til du har valgt rett svar. Når du er ferdig med e-læringskurset så får du eit diplom som du sender inn til klubben på This email address is being protected from spambots. You need JavaScript enabled to view it..
    
3. Praktisk del av kurset. Omfang er minimum fem timar. Instruktør frå klubben vil gjennomføre denne delen i lag med inntil fire kursdeltakarar i gongen. Her får du prøve forskjellige typar slag på vårt treningsområde (drivingrange, øvingsgreeen og bunker) i tillegg til spel ute på golfbana. Vi er fleksible på denne delen slik at alle får gjennomført den praktiske delen av kurset. Om du ikkje har golfutstyr så har klubben utstyr du kan låne.
    
4. Bestått og betalt kurs gjev kursbevis og medlemsskap i Volda golfklubb. Bestått kurs er gjennomført teoridel og deltakelse på praktisk del av kurset. Det er ingen eksamen eller ferdighetsprøve for å få godkjent kurset.

Vel møtt til kurs!

Då har vi endeleg fått lov å arrangere turneringar igjen. I første omgang er det lukka turneringar dvs. berre for medlemmer i Volda golfklubb. Dei som har nabomedlemsskap frå Sunnmøre golfklubb er også sjølvsagt velkomne til å delta. Vi har lagt ut i kalenderen SkOlsen Tour, SkOlsen Scramble, raud, snor, osb., Vårspretten Felleskjøpet Open, Toyota Sunnmøre matchplay cup og klubbmesterskapet. Nordvest Tour og andre sponsorturneringar kjem vi attende til når vi får lov å arrangere det. Vi har sett på resultata av undersøkinga og har gjort nokre endringar for å imøtekome ynskja. 14. juni har vi lagt inn ei turnering for dei med over 36 i handicap. Dette har vore etterlyst og om det vert ein suksess så kjem vi til å prøve å halde fleire slike turneringar. Vi har også endra ein del av SkOlsen turneringane i den lyse delen av året til 18 hols. (Gjeld ikkje SkOlsen Touren). Vi startar den 23. mai med ein opningsdag på gruppespelet i Toyota Sunnmøre Matchplay cup og håper å få avvikla mange matchar den dagen. Webjørn legg no ut ein del turneringar i Golfbox og eg håper at mange melder seg på så tidleg som mogleg.

Vi har fått nokre retningslinjer frå NGF om arrangering av turneringar. Vi får ikkje benytte shotgun start og må avvikle turneringane med løpande start for at færrast mogleg skal samle seg før turneringa Vi får heller ikkje halde premieutdeling i etterkant. Klubbhuset er fortsatt stengt for medlemmane men representantar frå turneringsnemda vil gjere før- og etterarbeid inne på klubbhuset. Med dei andre retningslinjene vi har fått kjem vi til å arrangere turneringane på denne måten:

• Påmelding må skje seinast 2 timar før start.
  • Dette er for at turneringsnemda skal få tid å generere startliste og få lagt ut den.
• Betal turneringa på Vipps når du melder deg på
  • Turneringsnemda held kontrollen på kven som har betalt, også dei som har førehandsbetalt for heile sesongen.
• Ikkje møt opp alt for tidleg.
  • Når turneringsnemda har generert startliste og publisert den så vil du få melding om når du skal gå ut.
  • Møt opp i passe tid før utslag. Om du skal varme opp så reknar du i tillegg med tida det tar å slå ei "bøtte" og chippe nokre par ballar.
  • Vi ynskjer ikkje ei oppsamling med spelarar som kjem ein time før utslag.
• Scorekort
  • Ein i turneringsnemda skriv ut scorekort, har på seg eingongshanskar og deler ut scorekort ved klubbhuset
  • To stykker i flighten hentar scorekort og fører for alle i flighten på runda.
  • Kontroller scorekorta mot kvarandre
  • Berre eit av scorekorta skal leverast inn.
  • De skal ikkje sende rundt scorekort for signering. Det er nok at den som har ført scorekortet som vert levert inn signerer.
  • Godkjendt scorekort skal leverast etter runda ved klubbhuset
• Når turneringsnemda har fått lagt inn resultatet frå turneringa vert resultatlista publisert i golfbox og på voldagolf.no
• Premiane vert delt ut på påfylgjande turnering rett før vinnarane går ut.

Avtalen mellom Sunnmøre GK og Volda GK om nabomedlemsskap på kroner 1.500,- pr medlem er forlenga og gjeld også denne sesongen. Dette medlemsskapet innebærer fulle spelerettar mot begge klubbar.

Medlemmer som ynskjer å nytte seg av dette må sjølv gå inn på den andre klubben sin nettstad og teikne medlemsskap og vise til avtale og pris. 

Vi trur dette er positivt for våre medlemmer og vil skape meir aktivitet på begge golfbanene.

R&A har etter henvendingar kome med veiledning til unntak og modifiseringer av golfreglane for å minimere risikoen for smittespreiining under den pågående Korona-epidemien.

 
NGF har bearbeida desse midlertidige modifiseringane for at selskapsrunder skal kunne være handicapteljande. Dette betyr at når ei selskapsrunde er spelt etter golfreglene og nedenstående modifiseringer er runda handicapteljande og skal registrerast i GolfBox.

Sjå regelmodifiseringar og nye retningslinjer under: 

Korona regelmodifiseringar for handicapteljande selskapsrundar

Retningslinjer for å begrense Koronasmitte ved bruk av golfanlegg (NY)

Det er tatt beslutning om å opne greenane for spel på torsdag 23. april. Graset veks og dei vert grønare for kvar dag som går. I morgon kveld (onsdag) vert greenane klipte så dei er heilt klar til torsdag.

Vi har nokre felt der det er lite eller ingen grasvekst. Ver vennleg å ikkje trakk på desse områda. Alle greenane er resådd og forhåpentlegvis så er det ikkje lenge til desse felta er grøne og fine om dei får fred og ro.

Som vanleg så reparerer ein nedslagsmerka på green. Legg også på plass oppslegen torv i fairway.