Ni golfarar trassa ver og vind og stilde i årets SkOlsen to-kølle turnering. Harald Indresøvde, Helge Eltvik og Johan Liadal gjekk alle på par.Johan med lågast handicap vart kåra til vinnar. I to-kølle turneringa så får du lov å ta med to valfrie køller i tillegg til putteren. I ei vanleg turnering kan du ha 14 køller i baggen, inkludert putteren. 

Helge Eltvik og Johan Liadal (vinnar)

Litt kaldt og hustrigt var det men 24 golfarar trossa litt kald sommarvind. Svein Aasen og Per Heltne gjekk begge på -3 men Svein gjekk foran med lavare handicap.. Jostein  Digernes tok andreplassen på -2. Johan Liadal gjekk på -1 og tok fjerdeplassen.

Johan har hatt ein jamn og god vår og toppar Order of Merit etter fem runder med SkOlsen Tour. Etter han ligg Harald Indresøvde, Jan Egil Gretland, Are Myklebust og Jostein Digernes.

Per Heltne, Johan Liadal, Jostein Digernes og Svein Aasebn (vinnar)

Vi fikk i fjor beskjed med golfforbundet om å revidere dei lokale reglane slik at dei er i henhold til golfreglande av 2019. 

1. Fridropp på grusveg - er dekt av regel 16.1
2. Fridropp ved fast stein i fairway - er dekt av regel 16.1
3. Stein i bunker er flyttbar hindring - Er dekt av regel 12.2 a
4. Droppsoner - Det er laga ny lokal regel på droppsonene etter mal frå golfforbundet.
5. Fridropp av plugga ball på heile spelefeltet - Er dekt av regel 16.3

 I styremøte den 28. mai vedtok vi å fjerne dei gamle reglane og vedtok to nye lokale reglar som er etter malen til golfforbundet.

Dei nye lokale reglane finn du her: http://voldagolf.no/index.php/bana/lokale-reglar

 Vi kjem til å endre dei raude stakane som står på hol 5/14 slik at dei er kvite på sida mot hol 4/13 og raude mot hol 5/14. Vi håper å få gjort dette om ikkje alt for lenge.

17 golfarar trossa varmen og stilde til start på SkOlsen par-3. Det var rett i underkant av 30 grader denne kvelden. Alle hola var gjort om slik at det var 18 heilt nye utslag frå 20 til 150 meter. Ut frå slik ein vanlegvis speler på bana så gjekk det på kryss og tvers denne kvelden.

 Den som takla dette best var Svein Andres Sporsheim som gjekk på -18. Etter han var det Lars Olav Winjevoll på andreplass, Jostein Digernes på tredjeplass og Helge Eltvik på fjerdeplass.

Svein Andreas Sporsheim (vinnar), Helge Eltvik, Lars Olav Winjevoll og Jostein Digernes.

Heile 32 golfarar stilde til onsdagens SkOlsen Tour. Webjørn Yknsøy Bergmann knuste sine motstandarar denne kvelden og gjekk på heile -6. På andreplass kom Harald Indresøvde med Olav Trandal, Jostein Digernes og Bjørn Arve Korsfur rett bak.

Olav Trandal, Harald Indresøvde, Webjørn Yksnøy Bergmann (vinnar), Jostein Digernes og Bjørn Arve Korsfur.

24 golfarar var med på onsdagens SkOlsen flaggturnering over 18 hol. Dei første gjekk ut klokka 17 og dei siste gjekk ut klokka 18. Det vart litt strekk i feltet så det var over ein time å vente for dei første som kom inn til dei siste var ferdige. Det gjorde at dei fleste var reist heim så vi tek igjen premieutdelinga på neste onsdag når det er SkOlsen Tour 4.

På flaggturnering så er det om å gjere å kome seg lengst mogleg på sine slag. Bana er Par 70 og om du har 15 tildelte slag så har du 85 slag tildelt. Når dine slag er oppbrukt så plantar du flagget ditt.

Det første flagget dukka opp på green på hol 15 så var det jamt med flagg derifrå til hol 18. Johan Liadal vart vinnar og var einaste denne kvelden som kom til hol 19.

Per Kristian Langlo, Johan Liadal (vinnar) og Petter Hansen

Resultatliste for dei ti som kom lengst.

Flighten med vinnar Johan Liadal på green 3.

Eiksund, Nupen og Trandal nytta fineveret til ein tur til ein av naboklubbane våre, Stranda golfklubb. På hol 5 så slo Kjetil Eiksund rett i koppen. På det 163 meter lange holet brukte han ein firar hybrid.

På søndag klokka 12 så arrangerer Volda golfklubb for fyrste gong ei turnering som er berre for dei med 36 til 54 i handicap (som vanlegvis vert definert som grøntkortklassa). Det har vore eit ynskje at vi skal arrangere ei slik turnering så vi håper at flest mogleg melder seg på. Vert dette ein suksess så vil vi arrangere fleire slike turneringar framover.

Turneringa går over 9 hol (front) og det er utslag frå raudt. Turneringsavgifta er på kr. 100. Det er fine premiar til vinnarane. 

Klikk her for å kome til turneringa og påmelding. 

Ta kontakt med Olav om du ikkje får til å melde deg på, så legg vi deg inn manuelt.

Då er vi endeleg klare for å ta opp bestilling av golfklede. Det er TS-Bekledning ved Thomas Strand som er leverandør av kleda. Vi har valgt å gå for Callaway og Galvin Green som er godt kjende merker på golfklede og utstyr. Det er enormt mange variantar av kleda men vi har plukka ut eit utval i samråd med Thomas. På grunn av Koronasitusasjonen så er det noko utplukka av storleikar og fargar på piqueane. Dei fargane som ikkje er råd å få tak i er fjerna frå bestillingsskjemaet. Vi har også tatt med den populære softshell jakka som vi har hatt med tidlegare då det har vore fleire spørsmål etter den jakka.

Om du har spesielle ynskjer så skriv du det ned i kommentarfeltet heilt nedst. t.d. om du ikkje ynskjer logo på nokre av produkta Bilda er kanskje litt små og vanskeleg å sjå. Du kan då klikke her for å gå til katalogen og bla deg fram til produkta og zoome inn. Thomas er leverandør av Callaway og kan kanskje ordne andre produkt i katalogen om du spør fint.

Nokre av produkta og nokre storleikar er råd å prøve på klubbhuset. Vi held ope der innimellom ved turneringa o.l. Om du ynskjer å sjå og prøve så kan du ta kontakt med Olav eller Per Arve så kan vi låse opp. Vi er stort sett i Vassbotnen dagleg.

Har du spørsmål om kleda så er det berre å ta kontakt med Thomas på epostadressa This email address is being protected from spambots. You need JavaScript enabled to view it.

Klikk her for å gå til bestillingsskjemaet.

Då er alle matchane i gruppespelet i årets Toyota Sunnmøre Matchplay cup spelt. 

Det var mange tette matchar og i fleire av gruppene så var det ikkje klart kven som gjekk vidare til kvartfinalen før siste match var spelt. 

Matchane i kvartfinalen vert spelt slik:
Webjørn Yksnøy Bergmann - Johan Liadal
Peder Barstad - Olav Trandal
Per Arve Hovde - Harald Indresøvde
Are Myklebust - Per Kristian Langlo

Vi er no godt i rute men det er lov å starte på kvartfinalematchane når det passer for spelarane.

Resultata i gruppene: