Det er med stor glede vi kan melde at vi på onsdag opnar greenane for sesongen. Rune melder om god grasvekst og Sindre har i dag slått greenane. Joar vil sette nye hol på onsdag. Når Joar er ferdig så er bana opna for sesongen.
Green 9 i dag. Som de ser så er det framleis litt snø igjen på hol 4.
Kortlesaren i ballautomaten er no aktivert. Automaten er testa no i kveld og fungerer fint. Det er ikkje lenger lov å gå ut på drivingrangen å plukke ballar.
KLIKK HER LITT FØR MØTET FOR Å DELTA.
På grunn av smittesituasjonen så har styret bestemt at årsmøtet vert eit digitalt møte. NGF anbefalar at digitale årsmøte vert gjennomført med bruk av Microsoft Teams. Vi kjem på møtedagen til å legge ut lenke til møtet på denne sida. sakliste med lenke til dokument finn de under.
Brukarrettleiing på møter i Teams frå Norges Idrettsforbund. Om du har spørsmål til Teams eller gjennomføringa av det digitale møtet er det berre å ta kontakt med Olav.
1. Opning ved styreleiar
2. Godkjenne dei som har røysterett
3. Val av møteleiar og referent
4. Val av 2 personar til å skrive under protokollen
5. Godkjenning av innkalling
6. Godkjenning av sakliste
7. Godkjenning av forretningsorden
8. Styret si årsmelding for 2020
9. Revidert rekneskap for 2020 - Melding frå Kontrollutvalet
10. Behandle eventuelle forslag og saker
11. Fastsette medlemskontingent/prisar for 2021
13. Handsame organisasjonsplanen til klubben
14. Val
15. Premiering og takk
16. Avslutning
I samsvar med lov for Volda Golfklubb § 14 pkt. 3 kallar vi med dette inn til årsmøte fredag 26. mars 2021. Vi kjem tilbake med klokkeslett og møtestad.
Vi håpar på å få til eit fysisk møte, men om koronarestriksjonar tilseier det vert det eit nettmøte.
Forslag som skal handsamast på årsmøtet må vere sendt til styret seinast 2 veker før årsmøtet.
Fullstendig sakliste og andre nødvendige saksdokument vil bli tilgjengelege på www.voldagolf.no seinast ei veke før årsmøtet.
Innkallinga er sendt ut på e-post til alle medlemmer. Om du ikkje har fått det tilsendt må du sjekke om eposten har hamna i søppelpost. Om den ikkje er å finne må de ta kontakt med Peder Barstad for å eventuelt få endra kontaktinformasjon i Golfbox.
Då er greenane stengde for sesongen. Flagga er tatt inn og dei gamle flagga er sett ut i fairway på vintergreenar.
Nok ein søndag med flott "vinterver". 14-15 grader og heile 21 golfarar i aksjon. Svein Andreas Sporsheim gjekk på heile 45 poeng og tok med det sigeren i Lauvfall V. Bak Svein kom Rune Strømmen og Jostein Digernes, begge med 39 poeng. Fjerdeplassen tok Svein Aasen med 37 poeng.
Veret ser ikkje heilt lovande ut med tanke på Lauvfall VI neste helg men vi får sjå an veret og tek beslutninga seinare i veka.
Takk igjen til Jass Maritime for premiar til Lauvfall turneringane.
Svein Andreas Sporshiem (vinnar), Rune Strømmen, Jostein Digernes og Svein Aasen
I midten av september så hadde vi besøk av Student-TV frå Høgskulen i Volda som laga ein reportasje om golf. Sjå filmen nedst i artikkelen. Takk til Morten som ein god ambassadør for Volda golfklubb som sporty stilde opp.
Tekst frå Student-TV:
Dette er første av forhåpentlegvis mange episodar av vår eigen lille miniserie: Student-TV tester!
I denne episoden testar vi golf saman med fritidsgolfer Morten Tjessem Våge på Volda golfklubb si utruleg vakre golfbane. Det blir opplæring, konkurransar og golftips, medan vi badar i sol blant vakre naturomgjevnadar!
Takk til:
Morten Tjessem Våge (gjest)
Volda golfklubb (utstyr)
Epidemic Sound (musikk)
Mildveret held fram til stor glede for oss som er glade i golf. Så langt tilbake som vi har brukt Golfbox til turneringar så er det ikkje registrert så mange Lauvfall turneringar etter avslutningsturneringa som i år. Det var eit år det vart arrangert to Lauvfall turneringa og no er vi oppe i fire. Berre eit år tidlegare har vi hatt turnering i november og i år har vi hatt to. Det ser heller ikkje ut som mildveret har tenkt å gi seg så de skal ikkje sjå vekk frå at det vert arrangert Lauvfall V neste helg. Det vert spennande å sjå om vi kan spele heilt fram til jul.
I dag var det Per Kristian Langlo som gjekk aller best med heile 40 poeng. Olav Trandal tok andreplassen med 37 poeng. Are Myklebust var strålande nøgd med sin tredjeplass som var på par (36 poeng) og Jan Egil Gretland på fjerdeplass med 35 poeng. Det har vore ei fin auke i tal på spelarar frå gong til gong i Lauvfall turneringane og i dag var det heile 20 spelarar med.
Ein stor takk til Jass Maritime for sponsing av premiar til Lauvfall turneringane.
Jan Egil Gretland, Are Myklebust (strålande nøgd med tredjeplassen), Per Kristian Langlo (vinnar) og Olav Trandal
Med 14-15 grader i november så ramla påmeldingane inn og det var heile 19 stykker som stilde til start i dagens turnering, Lauvfall III.
Jon Einar Nybøen var den som vant dagens turnering med heile 44 poeng. Jan Trygve Gretland tok andreplassen med 39 poeng. Peder Barstad har kvilt seg i form i haust og tok tredjeplassen på 38 poeng. Lars Olav Winjevoll tok fjerdeplassen med 37 poeng.
Vermeldingane til Yr ser bra ut for neste helg men Storm har ikkje så bra ver, så følg med på Golfbox om vi legg ut Lauvfall IV.
Takk til Jass Maritime for premiar til Lauvfall turneringane.
Peder Barstad, Jan Trygve Gretland, Jon Einar Nybøen (vinnar) og Lars Olav Vinjevoll
Jan Egil Gretland hadde hole in one i dagens Lauvfall turnering. Med eit sjuarjern slo han rett i koppen på hol 11. Gratulerer!!
Page 18 of 50