I samarbeid med vår hovudsponsor Sparebank 1 Søre Sunnmøre inviterer vi til Sparebank 1 Søre Sunnmøre Open, søndag 27. juni klokka 11. Det vert konkurert i Stableford og brutto i herreklasse, dameklasse og Stableford i GK-klasse. Det vert også premiar for lengste utslag på hol 18 og nærast holet på hol 7/16.

Turneringsavgift: kr. 200

Vi har tidlegare år hatt Sparebank 1 Søre Sunnmøre Invitational på hausten. Denne turneringa vil vi også ha i år, så den opne turneringa kjem i tillegg.

Turneringa vil bli lagt ut for påmelding i løpet av kort tid. De kan klikke her for å kome til turneringane til Volda golfklubb.

Til tross for at vervarselet ikkje var av dei beste så var det heile 23 påmelde på onsdagens SkOlsen turnering. Veldig kjekt at stadig nye vert med på turneringane.

I herreklassa var det ikkje mykje å gjere med Per Arve Hovde som er virkeleg i siget. Han gjekk på -5. Nærast var Harald Indresøvde og Per Heltne på -2. I grøntkort-klassa så var det Eskil Vinjevoll Nes som vant på +2. Mest nøgd var Eskil med å slå kompisane som var eit slag bak.

Harald Indresøvde, Eskil Vinjevoll Nes (vinnar GK), Per Heltne og Per Arve Hovde (vinnar)

16 deltakarar var med på Svein Aasen (80 år) si jubileumsturnering. Jubilanten var ikkje snauare enn at han i lag med Johan Liadal tok sigeren i si eiga turnering. I tillegg hadde han lengste utslag frå raudt. Desse to vaksne karane gjekk på heile -5. Rett bak kom brødrene Rusten med -4. På tredjeplass så var Helge Eltvik og Olav Trandal som gjekk på par. Jan Egil Gretland hadde lengste utslag frå gult. Per Arve Hovde hadde nærast holet på hol 7/16. 

I tillegg til premiane for plassering, lengste utslag og nærast pinnen så vart det trekt premiar blant alle påmelde. Tusenkunstnaren Johan Liadal hadde laga ein fin kniv som Jens Kristian Rusten vant og ei dreia treskål som Per Kristian Langlo vant. Per Arve Hovde og Kenneth Rusten vant også kvar sin premie.

Per Arve Hovde (nærast holet) Helge Eltvik, Johan Liadal (på vinnarlaget), Jan Egil Gretland (lengste utslag frå gult), Jubilanten Svein Aasen (på vinnarlaget og lengste utslag frå raudt) Kenneth Rusten, Jens Kristian Rusten og Per Kristian Langlo. Olav Trandal var bak kameraet.

Mari Chluba hadde i dag hole in one på hol 16. Det var frå gult utslag med ein PW. Gratulerer!!

Mari med ballen i holet. Fotograf: Joar Voldsund

23 spelarar deltok i SkOlsen flaggturnering. Turneringa gjekk over 18 hol der det var om å gjere å kome seg så langt så mogleg før ein hadde brukt opp tildelte slag og måtte plante flagget. Fire spelarar hadde igjen slag og fortsette på hol 1 igjen. Den som kom seg aller lengst var Dag Tore Hagen som kom seg til hol 20. Bak han var det Petter Hansen, Johan Liadal og Jostein Digernes som alle kom til green på hol 19, men der Petter var nærast holet. I resultatlista under så ser du kva hol spelararane måtte plante flagget sitt på. Rekkefylgja er ut frå kor nær holet ein kom.

Torleif Remme gjekk ei kjemperunde på 73 slag og hadde igjen heile 11 slag då han kom inn. Dette var heile 5 slag meir enn dagens vinnar og hadde han ikkje planta flagget ved ein feil på hol 18 så kunne han tatt sigeren i dag. Til tross for denne feilen så måtte vi ha han med i lag med vinnarane.

Dag Tore Hagen (vinnar), Petter Hansen, Torleif Remme, Jostein Digernes og Johan Liadal

Resultat SkOlsen flaggturnering:

Vi prøvde i fjor å arrangere ei grøntkort turnering (for dei med 36-54 i handicap). Då var det berre ein påmeldt og turneringa vart avlyst. Vi var litt spente på om det vart fleire påmeldingar i år, og det vart det. Vi er godt nøgde med at heile 7 spelarar var med på den aller første grøntkort-turneringa. For fleire av dei så var det den aller første turneringa dei har vore med på. Det var fire "juniorar" og tre godt vaksne karar som var med. Turneringa gjekk over 9 hol med stableford. Det var også konkurrert om lengste utslag på hol 9 og nærast holet på hol 7.

I juniorklassa var det Iben Louise som gjekk av med sigeren. Bak henne kom broren Aksel som var eit poeng framfor Andreas. Thea kom på fjerde plass. Andreas var både nærast holet og hadde lengste utslag.

I vaksenklassa var det Anders som gjekk best i dag med Erik Marius på andre plass og Lars Arne på tredjeplass. Anders hadde også lengste utslag, medan Erik Marius var nærast holet.

Vi kjem til å arrangere ei ny grøntkort-turnering etter sommaren. Då håper vi at vi kan få med endå fleire.

Juniorklassa: Iben Louise Hansen (vinnar), Aksel Hansen, Thea Nilsen og Andreas Nupen

Vaksenklassa: Lars Arne Muren, Anders Børtnes Kalvatn (vinnar) og Erik Marius Riise

Andreas puttar på green 3.

Thea puttar på green 9.

Vaksenklassen på green 9.

Andreas med lengste utslag på hol 9.

Anders med lengste utslag på hol 9 i vaksenklassa. 

Har du handicap mellom 36 og 54? Då bør du melde deg på turnering i morgon. Vi arrangerer "grøntkort"-turnering for deg med handicap mellom 36 og 54. Dette er ein fin måte for deg som ikkje har gått så mykje turnering eller aldri har vore med.

23 grader og blå himmel lokka fram heile 30 golfarar på SkOlsen Tour 3. Det merkast at vekstsesongen er fullt i gang og at roughen gir litt meir motstand enn tidlegare i vår. Scoren i kveld var stort sett på plussida, men Sigurd Vartdal hadde ei kjemperunde og vant med god margin i kveld på -5. Nærast Sigurd var Dag Tore Hagen på par. Resten av spelarane brukte litt fleire slag enn tildelt. Fire spelarar gjekk på +1. Det var Jan Egil Gretland, Rune Strømmen, Kai Rune Bjørke og Jostein Digernes.

Kai Rune Bjørke, Dag Tore Hagen, Rune Strømmen, Sigurd Vartdal (vinnar) og Jan Egil Gretland

Klikk på logoen under for å kome til oversikt over resultata  i gruppespelet i Toyota Sunnmøre Matchplay cup.

Då har vi trekt gruppene til årets Toyota Sunnmøre Matchplay cup og gruppene ser slik ut:

Ta kontakt med dei andre i gruppa di og avtal tid for gjennomføring av matchar. Du skal spele mot alle i di gruppe. Vi håper at flest mogleg har mulighet til å vere med i morgon og søndag slik at vi får spelt flest mogleg av matchane i helga. Om du ikkje rekk det så kan du også bruke dei to neste vekene. Sjå lenger nede for fullstendige reglar for matchplay cupen.

Reglar for Toyota Sunnmøre Matchplay cup 

Gruppespel

• Opp til 23 deltakarar så vert det fire grupper der dei to beste går vidare til sluttspel
  • Vinnar i gruppe 1 mot 2. plass i gruppe 2
  • Vinnar i gruppe 2 mot 2. plass i gruppe 1
  • Vinnar i gruppe 3 mot 2. plass i gruppe 4
  • Vinnar i gruppe 4 mot 2. plass i gruppe 3
• Det vert tilfeldig trekning av gruppene
• Det vert spelt matchar på 9 hol med fullt spelehandicap.
• De skal gå alle 9 hola og oppgi tal opp etter 9 hol
• Front eller back vert trekt av dei som går matchen før dei går ut på hol 1 eller 10.
• Siger gjev to poeng og uavgjort gjev 1 poeng
• Om det vert lik poengsum så er det totalt tal på hol opp (og ned) som avgjer. Om det også vert likt så tek vi omspel på dei som er like til ein har eit hol opp.
• Laurdag 29. mai vert felles oppstartsdag og vi håper flest mogleg har mulighet til å vere med den dagen.
• Om det ikkje høver så kan ein bruke heile veke 22 og 23 til gruppespel.
• Resultat etter kvar match i gruppespelet sender de til This email address is being protected from spambots. You need JavaScript enabled to view it.

Sluttspel

Sluttspelet skal spelast over 18. hol med fullt spelehandicap
Kvartfinalane vert spelt frå 15. juni til 30. juni
Semifinalane vert spelt frå 1. juli til 15. august
Finalen og bronsefinalen vert spelt frå 15. august til 1. september
Avvik frå oppsett plan må avtalast med turneringsnemda.
resultatet etter kvar match i sluttspelet kan de sende som tidlegare til Webjørn Yksnøy Bergmann som vil oppdatere resultata i Golfbox.