Bana er stengt 

Då har vi fått inn farga golfballar med Sparebank 1 Søre Sunnmøre og Volda golfklubb logo på. Kr. 289 pr. dusin. Vi har den i matt grøn, matt rosa og gul.

 

2021 09 07 20.48.27

Matt grøn, gul og matt rosa.

 

 

 

Det vart dessverre litt mykje fram og tilbake om denne turneringa. På grunn av Sparebank 1 Invitational på torsdag så vart denne turneringa sett til laurdagen i terminlista. Vi gløymde å endre tidspunktet i golfbox då turneringa var "kopiert" frå i fjor då den gjekk på ein onsdagskveld. Tidspunktet stod på klokka 18. I tillegg var det snakk om å flytte turneringa til søndag på grunn av dugnad på laurdag. Bjørn Arve, Joar, Sindre, m.fl. arbeidde så raskt at vi vart ferdige med arbeidet på greenane på fredag. Då vart det slått kontra på flyttinga. Dette har nok gjort nokre usikre på når den skulle vere. Jan Egil ringde rundt til dei påmelde for å vere sikre på at dei hadde fått dette med seg. Det var eit par det ikkje passa for og det er beklageleg. 

 

Vi var 13 stykker som stilde til start. Det treng kanskje ikkje nemnast at vi gjekk i strålande ver, då stort sett alle turneringane i år har vore bada i sol. Det var kanskje nokre slitne kroppar etter dugnaden men eit par stykker klarte å kome seg under par. Olav Trandal og Leon Myrvåg gjekk begge på -1 men Olav har lågare handicap og vart med det dømt som vinnaren av turneringa.På slaget bak kom Jan Egil Gretland og Harald Indresøvde som begge gjekk på par. Jan Egil tok tredjeplassen med lågare handicap.

 

Med ny putter i baggen så ser det ut som Jan Egil er i ferd med å finne haustforma og kan vere ein farleg utfordrar til samanlagtsigeren i SkOlsen Tour. Per Arve har framleis ein god ledelse på heile 9 slag med tre runder igjen.

 

2021 08 28 17.51.23

Leon Myrvåg, Olav Trandal (vinnar) og Jan Egil Gretland

 

Resultat SkOlsen Tour 9

 Når hovudsponsoren vår Sparebank 1 Søre Sunnmøre inviterer til turnering så er ikkje golfarane på Sunnmøre vonde å be.Sparebank 1 Invitational har blitt ei av dei mest populere turneringane vi arrangerer i klubben. Turneringa har eit sosialt preg der vi spelar scramble med firar-lag. I scramble så slår alle i laget frå der den beste ballen landar slik at ein har fire forsøk på kvart slag. Dette viser også igjen på resultata. I og med at det ikkje gjekk opp i fire så vart det eit trearlag. Dei får kompensert litt med tal tildelte slag, men det er vanskeleg å hevde seg heilt i toppen med berre tre på laget.

 

Dei 35 deltakarane fekk servert kyllingwraps før dei gjekk ut og blomkålsuppe når dei kom inn. Maten var levert av Osdals catering og servert av Arne Lothe og Ole Magnus Orlien frå Sparebank 1.

Det var veldig mykje god spel og ikkje så mange slag som skilde laga. Det laget som kom øvst på pallen var Peder Barstad, Are Myklebust, Webjørn Yksnøy Bergman og Amund Yksnøy Bergmann. Eit slag bak dei kom gjestane frå Sunnmøre golfklubb, Bjørnar Nesset, Kim-Tore Husøy, Niklas Uusitalo og Christer Adrian Mork. Siste pallplassen gjekk til Lars Olav Winjevoll, Sindre Winjevoll, Joar Voldsund og Helge Eltvik.

 

Det var også konkurrert i nærast holet på hol 7/16 og lengste utslag på hol 18. Lars Olav Winjevoll kom nærast holet med om lag 2 meter igjen. Svein Aasen hadde lengste utslaget frå raudt utslag og Per Kristian Langlo slo lengst frå gult utslag.

 

Ein stor takk til Sparebank 1 somn stilde med flotte premiar, servering og eit framifrå ver. 

  

SP1I Alle

Alle deltakarane før start.

 

SP1I Winjevoll

Sindre og Lars Olav Winjevoll. Lars Olav var nærast holet på hol 7/16.

 

SP1I Halvvegs

Jan Egil, Rune og Olav etter halvgått runde.

 

SP1I Premieutdeling

Arne Lothe og Ole Magnus Orlien frå Sparebank 1 Søre Sunnmøre er klare til premieutdeling.

 

Resultat SP1I

SP1I Vinnarlaget

Vinnarlaget med Peder Barstad, Are Myklebust, Webjørn Yksnøy Bergmann og Amund Yksnøy Bergmann kjem fram for å motta premiane.

 

SP1I Vinnarane

Alle vinnarane samla.

 

Tidlegare i dag la vi ut melding om at turneringa i morgon (SkOlsen Tour 9) vart utsatt til søndag. No har vi fått vertikalskore, lufta og dressa alle greenane slik at vi kan gjennomføre turneringa som oppsett. Det vert difor turnering i morgon klokka 15.30.

 

Det vert  dugnad i morgon frå 10 til 14, slik at vi er ferdige i god tid til turneringa. Vi håper at det kan kome nokre i morgon slik at vi får shine opp bana. Det gror igjen mange stadar så det hadde vore fint om nokon kan ta med seg bensindrevet kantklippar eller krattryddar. Det trengs også å rake vekk litt av høgegraset som Bjørn Arve har slått og plukke ballar på drivingrangen. Målet er å få slått høgegraset endå lenger ned slik at ikkje så mange ballar forsvinn.

 

2021 08 27 16.46.45

Joar slodder med golfbilen medan den hadde batteri.

 

2021 08 27 19.48.23

Joar i fint driv på siste greenen.

Til gjestespelarar og klubben sine medlemmer

 

Det vert arbeid på golfbana denne helga. Greenane vert vertikalskorne, hola, dressa, osb. Det vert også anna arbeid rundt om på bana som skogrydding, skjering av bunkerane, klipping, rydding, m.m. Omfanget er nokon styrt av kor mange som stiller.

 

Dette medfører at det er litt folk rundt på bana som de må ta omsyn til. Greenane held noko lågare standard enn det vi er vande til nokre dagar framover. Går ein tidleg på dag så er det stor sjanse for at greenane er våte av dugg og sanden kleber seg til ballen. Vi må flytte turneringa på laurdag til søndag. Det må også avklarast når på dag den vert. Følg med i golfbox for når turneringa går.

 

For klubben sine medlemmer så gjeld dette: Har du tid til å golfe desse dagane så har du også tid til å hjelpe til med arbeidet.

 

Arbeid på green

Klubbmeisterskapet 2021 gjekk under fantastiske speleforhold i strålande ver. Sjølv om ikkje alt spelet var like strålande så kosa dei aller fleste seg desse to dagane. Nokre midt på resultatlista skylda på nyleg sett andre dose av koronavaksina, som gav litt ømme armar. Om lista hadde sett annleis ut utan vaksinesprøyte får vi aldri vite.

 

Som vinnar av stort sett alle klubbmeisterskap han har stilt opp i, måtte Ole Magnus tole å ha favorittstempelet denne helga. Sjølv med eit visst press så innfridde Ole Magnus og leverte to gode runder på 67 og 72 slag. Runda på 67 slag er lågaste registrerte score etter endring av bana for eit par år sidan. Ole Magnus gjekk på -1 totalt og vart med det klubbmeister med heile 13 slag foran nummer to som var Lars Kåre Vikestrand.

 

Det er dessverre ikkje så mange konkurrentar for Mari Chluba i dameklassa, men Mari lot ikkje det påverke spelet og leverte to sterke runder på 77 slag. Ho gjekk med det inn på tredje beste score denne helga, berre slått av Ole Magnus og Lars Kåre.

 

I senior klassa (over 50 år) var det Petter Hansen som gjekk av med sigeren. Joar Voldsund leia etter første dag, men måtte sjå seg slått av Petter som gjekk ei veldig sterk runde på 74 slag på søndagen. Tredjeplassen i denne klassa gjekk til Johan Liadal.

 

Det er heller ikkje så mange konkurrentar til Iben Louise Hansen i junior klassa, men Iben leverte veldig bra på søndag og var den som gjekk best på søndagen i høve sitt handicap. Det gjorde at ho også vant stableford klassa, eit poeng foran pappa, Petter Hansen. På tredjeplass kom Rune Strømmen med lik poengsum som Petter, men med eit høgare handicap.

 

Det var også konkurrert om nærast holet på hol 7/16 og lengste utslag. Lars Olav Winjevoll var den som klarte å kome nærast holet. Jan Egil Gretland hadde lengste utslag frå gult og Mari Chluba frå raudt.

 

2021 08 22 16.39.14

Jan Egil Gretland, Lars Olav Winjevoll, Ole Magnus Orlien (Klubbmeister herre og vinnar brutto vaksen), Lars Kåre Vikestrand, Mari Chluba (Klubbmeister dame og vinnar brutto dame), Joar Voldsund, Rune Strømmen, Petter Hansen (vinnar brutto senior) og Iben Louise Hansen (vinnar brutto junior og stableford)

 

Resultat KM stableford

Resten av resultata finn de ved å klikke her!

 

2021 08 22 14.32.01

Leiarballen på hol 12. (Joar, Ole Magnus, Mari og Lars Kåre)

 

2021 08 22 12.28.14 

Dei næraste utfordrarane til topplasering står spent å ventar på å få slå ut på hol 4. (Jan Egil, Dag Roar, Sindre og Rune)

 

2021 08 22 15.55.38

Ole Magnus puttar for birdie på hol 18. (Gjekk av med par)

 

2021 08 22 15.47.53

Publikum fylgjer spent med på leiarballen på siste holet.

 

2021 08 22 15.58.11

Kontroll av scorekort etter endt runde.

 

Då er det med stor glede vi kan invitere til Sparebank 1 Invitational 2021. På grunn av GDPR så kan ikkje banken lagre data om kundane som spelar golf og sende ut invitasjon direkte til dei. Vi legg difor ut invitasjonen her og inviterer ALLE til å melde seg på turneringa. De finn den i golfbox eller de kan gå direkte til turneringa ved å klikke her.

 

Det er ikkje startkontigent på denne turneringa. Det vert flotte premiar frå Sparebank 1 i tillegg får de ein liten matbit og drikke før de går ut og når de kjem inn igjen. Turneringsforma er scramble med trear- eller firarlag alt etter kor det går opp med påmeldinga. Har de ynskje om spelarar de vil gå i lag med så kan de skrive inn det i kommentarfeltet ved påmelding.

Vel møtt til ein flott golfdag i Vassbotnen!

 

Sparebank 1 Invitational 2021

Klubbmeisterskapet 2021 er godt i gong. Tradisjonen tru så er det Ole Magnus Orlien som leiar kampen om tittelen "Klubbmeister", etter dag 1. Ole Magnus gjekk dagens runde på 67 slag som er tre under banepar. Nærast Ole Magnus er Mari Chluba på 77 slag. Rett bak Mari er Lars Kåre Vikestrand og Joar Voldsund på 79 slag.

 

Ole Magnus leiar også vaksenklassa med 10 slag på Mari og 12 slag på Lars Kåre. I seniorklassa er det Joar Voldsund som leiar med 2 slag på Petter Hansen og 7 slag på Leon Myrvåg. I juniorklassa så er det Iben Louise Hansen som leiar med 104 slag. I stableforklassen er det også Ole Magnus som leiar på 37 poeng. Sindre Winjevoll ligg poenget bak, på par. Joar Voldsund, Rune Strømmen og Leon Myrvåg ligg alle på 34 poeng og er med å kjempar om sigeren i denne klassa.

 

Vermeldingane er gode til i morgon også, så vi ser fram til ein fin og spennande golfdag. 

 

2021 08 21 10.58.50

Ole Magnus slår ut på hol 1.

 

Resultat KM dag 1 Vaksen

Resultat KM dag 1 senior

Resultat KM dag 1 junior

Resultat KM dag 1 stableford

2021 08 21 12.03.48

Jan Egil puttar på green 5.

 

2021 08 21 14.26.50

Rune spelar seg inn på hol 3 medan Per Arve og Svein står å beundrar den fine blandinga mellom teknikk og kraft.

I SkOlsen snorturnering er tildelte slag bytta ut med tau der 1m tau tilsvarer 1 tildelt slag. Tauet kan du nytte når som helst for å flytte ballen uten at du må bruke slag. Når du har brukt tau for å t.d. flytte ballen i holet, må du klippe av den lengda du har brukt. Så her gjeld det å tenke smart å bruke tauet på dei rette stadane, og å ikkje sitte igjen med tau når du er ferdig med runda.

 

Den som var best i årets snorturnering var Helge Eltvik. Han både storspelte og brukte tauet på ein smart måte. Med eagle på hol 6 utan å bruke tau viser potensialet til denne golfvirituosen. Helge gjekk på -3. Rett bak på -2 kom Per Arve Hovde, Sindre Winjevoll og Harald Indresøvde.

 2021 08 18 20.25.15

Per Arve Hovde, Sindre Winjevoll, Helge Eltvik (vinnar) og Harald Indresøvde

 

Resultat SkOlsen snorturnering 2021

Hei,

 

Det nærmer seg årets høydepunkt i enhver golfklubb. Klubbens beste golfspillere skal kåres!

 

Hvert år er det spørsmål og diskusjoner om hvem som kan delta i klubbmesterskapet, og noen har en oppfatning om at bare spillere som har golfklubben som hjemmeklubb kan delta i klubbmesterskapet.

 

For å svare enkelt på dette, alle med gyldig medlemskap i golfklubben kan delta i klubbmesterskapet. Har en spiller gyldig medlemskap i fire golfklubber kan han/hun delta i fire klubbmesterskap. Litt utfordrende å få til rent praktisk, men ikke umulig.  

 

Les gjerne litt mer om klubbmesterskapet her:

https://www.golfforbundet.no/spiller/turneringer/klubbmesterskap

 

Hvis spørsmål om årets klubbmesterskap, vennligst ta kontakt.

 

Lykke til med årets Klubbmesterskap!

 

Med vennlig hilsen

NORGES GOLFFORBUND

  

Thore Wilhelmsen

Norges Golfforbund

Postboks 5000

0840 Oslo