Golfen sin eigenart der få personar går i lag og med god avstand gjer at vi kan drive idretten vår omlag som før, men med restriksjonar. No har golfforbundet laga nye retningslinjer som gjer at vi kan starte opp med "Vegen til golf" kurs. Når du har tatt dette kurset og er medlem i ein golfklubb, kan du spele på stort sett alle baner rundt om i verda. Kurset kostar kr. 1.500 for vaksne og kr. 600 for barn opp til og med 16 år. Det inkluderer også medlemsskap i Volda golfklubb for 2020 som gjer at du kan spele så mykje du vil på bana vår i Vassbotnen i år. Vi kjem fortløpande til å ta inn kursdeltakarar gjennom heile sesongen.

Kurset under Korona er sett opp slik:

1. Ta kontakt med Volda golfklubb på This email address is being protected from spambots. You need JavaScript enabled to view it. for påmelding. Klubben sender ut lenke til e-læringskurset som tek for seg teoridelen av kurset.
    
2. E-læringskurs. Dette kan du ta i fred og ro heime. Omfanget er omlag ein time. Golfforbundet anbefalar at du tek kurset på ei datamaskin slik at du kan ha oppe kursmateriellet der du finn "fasiten" medan du svarar på spørsmåla. Om du svarar feil så får du beskjed om det og kan svare om igjen til du har valgt rett svar. Når du er ferdig med e-læringskurset så får du eit diplom som du sender inn til klubben på This email address is being protected from spambots. You need JavaScript enabled to view it..
    
3. Praktisk del av kurset. Omfang er minimum fem timar. Instruktør frå klubben vil gjennomføre denne delen i lag med inntil fire kursdeltakarar i gongen. Her får du prøve forskjellige typar slag på vårt treningsområde (drivingrange, øvingsgreeen og bunker) i tillegg til spel ute på golfbana. Vi er fleksible på denne delen slik at alle får gjennomført den praktiske delen av kurset. Om du ikkje har golfutstyr så har klubben utstyr du kan låne.
    
4. Bestått og betalt kurs gjev kursbevis og medlemsskap i Volda golfklubb. Bestått kurs er gjennomført teoridel og deltakelse på praktisk del av kurset. Det er ingen eksamen eller ferdighetsprøve for å få godkjent kurset.

Vel møtt til kurs!

Då har vi endeleg fått lov å arrangere turneringar igjen. I første omgang er det lukka turneringar dvs. berre for medlemmer i Volda golfklubb. Dei som har nabomedlemsskap frå Sunnmøre golfklubb er også sjølvsagt velkomne til å delta. Vi har lagt ut i kalenderen SkOlsen Tour, SkOlsen Scramble, raud, snor, osb., Vårspretten Felleskjøpet Open, Toyota Sunnmøre matchplay cup og klubbmesterskapet. Nordvest Tour og andre sponsorturneringar kjem vi attende til når vi får lov å arrangere det. Vi har sett på resultata av undersøkinga og har gjort nokre endringar for å imøtekome ynskja. 14. juni har vi lagt inn ei turnering for dei med over 36 i handicap. Dette har vore etterlyst og om det vert ein suksess så kjem vi til å prøve å halde fleire slike turneringar. Vi har også endra ein del av SkOlsen turneringane i den lyse delen av året til 18 hols. (Gjeld ikkje SkOlsen Touren). Vi startar den 23. mai med ein opningsdag på gruppespelet i Toyota Sunnmøre Matchplay cup og håper å få avvikla mange matchar den dagen. Webjørn legg no ut ein del turneringar i Golfbox og eg håper at mange melder seg på så tidleg som mogleg.

Vi har fått nokre retningslinjer frå NGF om arrangering av turneringar. Vi får ikkje benytte shotgun start og må avvikle turneringane med løpande start for at færrast mogleg skal samle seg før turneringa Vi får heller ikkje halde premieutdeling i etterkant. Klubbhuset er fortsatt stengt for medlemmane men representantar frå turneringsnemda vil gjere før- og etterarbeid inne på klubbhuset. Med dei andre retningslinjene vi har fått kjem vi til å arrangere turneringane på denne måten:

• Påmelding må skje seinast 2 timar før start.
  • Dette er for at turneringsnemda skal få tid å generere startliste og få lagt ut den.
• Betal turneringa på Vipps når du melder deg på
  • Turneringsnemda held kontrollen på kven som har betalt, også dei som har førehandsbetalt for heile sesongen.
• Ikkje møt opp alt for tidleg.
  • Når turneringsnemda har generert startliste og publisert den så vil du få melding om når du skal gå ut.
  • Møt opp i passe tid før utslag. Om du skal varme opp så reknar du i tillegg med tida det tar å slå ei "bøtte" og chippe nokre par ballar.
  • Vi ynskjer ikkje ei oppsamling med spelarar som kjem ein time før utslag.
• Scorekort
  • Ein i turneringsnemda skriv ut scorekort, har på seg eingongshanskar og deler ut scorekort ved klubbhuset
  • To stykker i flighten hentar scorekort og fører for alle i flighten på runda.
  • Kontroller scorekorta mot kvarandre
  • Berre eit av scorekorta skal leverast inn.
  • De skal ikkje sende rundt scorekort for signering. Det er nok at den som har ført scorekortet som vert levert inn signerer.
  • Godkjendt scorekort skal leverast etter runda ved klubbhuset
• Når turneringsnemda har fått lagt inn resultatet frå turneringa vert resultatlista publisert i golfbox og på voldagolf.no
• Premiane vert delt ut på påfylgjande turnering rett før vinnarane går ut.

Avtalen mellom Sunnmøre GK og Volda GK om nabomedlemsskap på kroner 1.500,- pr medlem er forlenga og gjeld også denne sesongen. Dette medlemsskapet innebærer fulle spelerettar mot begge klubbar.

Medlemmer som ynskjer å nytte seg av dette må sjølv gå inn på den andre klubben sin nettstad og teikne medlemsskap og vise til avtale og pris. 

Vi trur dette er positivt for våre medlemmer og vil skape meir aktivitet på begge golfbanene.

R&A har etter henvendingar kome med veiledning til unntak og modifiseringer av golfreglane for å minimere risikoen for smittespreiining under den pågående Korona-epidemien.

 
NGF har bearbeida desse midlertidige modifiseringane for at selskapsrunder skal kunne være handicapteljande. Dette betyr at når ei selskapsrunde er spelt etter golfreglene og nedenstående modifiseringer er runda handicapteljande og skal registrerast i GolfBox.

Sjå regelmodifiseringar og nye retningslinjer under: 

Korona regelmodifiseringar for handicapteljande selskapsrundar

Retningslinjer for å begrense Koronasmitte ved bruk av golfanlegg (NY)

Det er tatt beslutning om å opne greenane for spel på torsdag 23. april. Graset veks og dei vert grønare for kvar dag som går. I morgon kveld (onsdag) vert greenane klipte så dei er heilt klar til torsdag.

Vi har nokre felt der det er lite eller ingen grasvekst. Ver vennleg å ikkje trakk på desse områda. Alle greenane er resådd og forhåpentlegvis så er det ikkje lenge til desse felta er grøne og fine om dei får fred og ro.

Som vanleg så reparerer ein nedslagsmerka på green. Legg også på plass oppslegen torv i fairway.

Under ser de kva golfforbundet arbeider med framover. Det første punktet er allereie gjennomført. Vi har fått nye reglar som gjer at vi kan spele handicapteljande selskapsrunder når vi opnar greenane. Nye plakar med retningslinjer vert hengt opp om ikkje så lenge.

Dei arbeider også med korleis vi skal få gjennomført "Veien til golf" kurs og det ser ut som vi kanskje får starte med lukka klubbturneringar også om ikkje så lenge. Vi kjem med meir informasjon så raskt vi får meir informasjon.

DETTE KOMMER FRAMOVER

Det jobbes kontinuerlig med å finne løsninger og få aksept for at vi skal kunne drive så mye som mulig av vår aktivitet også i disse spesielle tidene. Noe av det dere kan forvente i den nærmeste framtid er:

• Retningslinjer for handicaptellende selskapsrunder i koronatider. Forventes klart i løpet av 17.4.20.
• VTG for koronatider - digitalisert innhold med video. Forventes klart innen 24.4.20.
• Åpning for å avholde lukkede klubbturneringer. Her jobbes det overfor flere instanser og vi kan pr. i dag ikke gi en nøyaktig dato, men håper på en avklaring i månedsskiftet april/mai.

Då er det endeleg klart for opning av drivingrangen. På grunn av Koronaviruset så vil det vere ekstra strenge smittevernreglar for bruk av drivingrangen. Ved brot på reglane så vil drivingrangen verte stengt umiddelbart. Betalingsterminalen på automaten er som i fjor vår, litt prega av vinteren. Den er rensa med rensekort men det måtte ein del forsøk på å sette inn kortet før den godkjende kortet. Ver tolmodig!

Klubben har gjort desse grepa for å sikre godt smittevern:

• Vi har tatt vekk annankvar matte på drivingrangen for å sikre god avstand.
• Utlånskøllene er låst inne
• Bøttene er fjerna og låst inne
• Toalett og klubbhus er fortsatt stengt.
• Døra på drivingrangen er stengt. Gå inn frå begge sider men hald god avstand til andre.

Reglar for drivingrangen:

• Ikkje møt opp på drivingrangen om du er i karantene eller har symptom på smitte. Det gjeld også om du har generelle symptom på forkjøling.
• Følg generelle råd og retningslinjer gitt av helsemyndigheitene og kommunen.
• Ver tolmodig. Det kan vere noko lenger ventetid enn vanleg.
• Hald to meter avstand til dei andre på drivingrangen til ei kvar tid.
• Ta med ein pose eller ei bøtte heimafrå for å ta med ballar frå ballautomaten til drivingrangen.
• Ikkje ta borti ballautomaten med fingrane når du skal betale. For dei fleste så er det nok å halde kortet framfor Nayax terminalen for å betale.
• Om alle mattene er opptekne så ventar du i god avstand til det vert ledig.
• Du skal ikkje låne utstyr med andre eller låne ut ditt utstyr
• Vi har vurdert omløpshastigheita på ballane som vert brukt til å vere så lang at dei ikkje vil overføre smitte, men …
  • Ikkje ta på ballane når du slår med jern
  • Om du peggar opp, ta minst mogleg på ballane
  • Plukk opp peggane dine (både heile og øydelagde og ta dei med heim)
  • Ikkje plukk ballar som ligg på drivingrangen
• Ikkje bruk søppelkassene men ta med søpla di heim

Vi såg i fjor på turneringane at det var ei uheldig indeksering på hola. For enkelte så hadde du eine veka på turnering to slag meir enn den andre veka alt etter om vi gjekk front eller back. No er det snart eit par år sidan vi opna bana med 18 utslag og vi har fått ein del statistikk på dei forskjellige hola. Vi har difor laga til ny indeksering og det er oddetal på front og partal på back. For å få det til å gå opp så er hol 8 og 17 bytta om. Vi har fått laga nye merker vi skal ha opp på skilta men etter råd frå Eilev på NordvestProfil så vert desse sett opp når det vert litt varmare i veret.

Ny indeksering frå 1. mars 2020

 Ny og gamal indeksering sortert på indeks

Planen var å gå gjennom evalueringa av turneringane i 2019 på medlemsmøtet vi skulle ha i starten på april. Møtet vart ikkje noko av men her kjem resultatet.

Det var 21 personar som svarte på evalueringa. 19 av desse har deltatt og 2 har ikkje deltatt på turneringar i 2019. Dei to som ikkje har vore med på turneringar i 2019 har svart på kva som skal til for at dei vil vere med på turneringar. Det er betre helse, betre tid og turneringar for nybyrjarar. Helse og tid får vi ikkje gjort så mykje med men turneringar for nybyrjarar skal vi sjå om vi får til i 2020.

SkOlsen turneringane

Det er 17 som har svart på spørsmåla om SkOlsen turneringane.

Kommentarar til SkOlsen turneringane:

• Fleire 18 hols turneringar (2 stk)
• Gi ei lita merksemd til bruttoklassa også. For mykje stableford fokus.
• Likar variasjon i turneringsform, sjølv om der er ein del som eg ikkje likar så godt
• OK som det var i 2019

Andre Turneringar (sponsorturneringar, oppstart- og avslutningsturnering)

17 personar har svart ja på at dei har deltatt på andre turneringar.

Kommentarar til dei andre turneringane:

• Fleire 18 hols turneringar (3 stk. med litt forskjellig ordlyd)
• Lagturneringer er kjekkest med flere enn 2 spillere på hvert lag.

Toyota Sunnmøre Matchplay cup

11 personar har svart på spørsmåla om matchplay cupen.

Kommentarar på gruppespelet:

• Synest det er merkeleg at ein med tap går vidare på bekostning av ein utan tap 
• Kjekt med gruppespel, men vanskeleg å få avtalt/gjennomført. Betre om det blei spelt ei eller to bestemte helgar. Då helst ikkje rundt fellesferien.

Kommentarar på sluttspelet:

• Syns det var helt topp, jeg.
• Folk må passe på å regulere handicap så det vert fair. Handicap juks får negativt utfall for oss som til ei kvar tid passar på å regulere. 
• fint satt opp, drog ut i tid. Faste tidspunkt, ein dag der matchane vert spelt?
• Ok

Nordvest Tour

12 personar har svart på spørsmål om Nordvest Tour.

Kommentarar om Nordvest Tour:

• Kjekt, men interessa er fallande
• Virker å være litt nedadgående interesse her. Dessverre. 
• Ålesund bør ut. Dei bryr seg lite om NVT. 
• kjekt med bruttoturneringar.
• Bra levert av Volda GK. Kjekt å spele med folk frå andre stadar. Gode tilbakemeldingar frå dei tilreisande eg spelte med.
• Godt tiltak som eg håper å kunne delta meir i. Vi treng å spele på andre baner.

Tilbakemeldingar til turneringsnemda

• Tykkjer dei gjer ein god jobb eg.
• Veldig bra arbeid som blir gjort. stå på!
• Få til ei turneringshelg med sosialt på laurdagen
• Utfordringa er å få med fleire ferske og fleire damer på onsdagane. Scramble ser ikkje ut til åleine drage deltakarar, kanskje i kombinasjon med meir sosiale tiltak i klubbhuset av eit eller anna slag?
• Nei, godt arbeid
• Snevert turneringsmiljø. Må gjere innsats for å få med damer, og også fleire med høgt handikapp. Nesten  berre hcp under 20 som deltar. Må tenke kreativt her.

Kommentar på evalueringa

Tusen takk for tilbakemeldingar på turneringane. Dette er innspel vi skal ta med oss vidare i arbeidet når vi planlegg turneringane for 2020. Fleire 18 hols turneringar går igjen som eit ynskje. Det skal vi sjølvsagt prøve å få til. På grunn av koronasituasjonen så vert det ikkje turneringar før tidlegast 15. juni. For å få arrangert SkOlsen turneringane så er det i forslaget til terminliste no lagt inn turneringar både onsdag og helg (annankvar laurdag og søndag) for at vi skal kome ajour til midten av august. Det gir mulighet for å arrangere 18 hols turneringar i helga. No ser det ut som det kan bli lite reise i sommar og då kan det kanskje høve bra å arrangere fleire turneringar på sommaren. Å få til meir sosialt rundt turneringane er også eit veldig godt innspel som vi skal prøve å få til. To er usikre på om vi bør ha gruppespel men resten ynskjer det. Vi vil difor prøve å få til gruppespel i år også men tilpasse reglane ut frå dei innspela vi har fått både her og langs med.