På grunn av frost så er no bana stengt for sesongen.

Vi oppfordrer alle til å nytte golfsimulatoren i Ørsta for å halde golfen vedlike. 

Takk for ein fin 2024 sesong!

20 stykker stilde på SkOlsen Scramble II i flott haustver. Laget som gjorde det aller best og hadde ein flott eagle på hol 4 var Jostein Digernes, Isak Hovdenakk Eriksen, Jan Trygve Gretland og Amund Yksnøy Bergmann.

Heile resultatlista finn de her.

Ole Gretland i bakgrunnen, Jostein Digernes, Isak Hovdenakk Eriksen, Jan Trygve Gretland og Amund Yksnøy Bergmann

SkOlsen Tour 11 gjekk i fint haustver. Det var saudesanking og fotballkamp mellom Volda og Ørsta (som Volda vant 3-0), og kanskje andre grunnar til at det var litt få på turnering denne gongen. Det la ingen dempar på spelet til dei frammøtte. Sveinar Øvrelid frå Sunnmøre golfklubb gjekk på -3 og tok sigeren foran Olav Trandal på -2. Joar Voldsund og Svein Aasen gjekk på -1. I Grøntkortklassa var det Isak Hovdenakk Eriksen som tok sigeren på +6.

Heile resultatlista finn de her.

Olav Trandal, Isak Hovdenakk Eriksen (vinnar GK), Joar Voldsund og Sveinar Øvrelid (vinnar)

Mykje godt spel på SkOlsen Tour 10. Både Leon Myrvåg og Jan Trygve Gretland gjekk på -4. Leon med lågast handicap tok sigeren. Harald Indresøvde var rett bak på -3. Helge Eltvik tok fjerdeplassen på -1. 

Heile resultatlista finn de her.

Jan Trygve Gretland, Harald Indresøvde, Leon Myrvåg (vinnar) og Helge Eltvik.

Bana vert stengt på laurdag på grunn av dugnad. Greenane skal luftast og dressast.Dugnaden startar klokka 10. Fint om du kan kome å hjelpe til.

Forrige helg spelte Andreas Nupen Junior tour i region midt på Stiklestad golfklubb. Der klatra han heilt til topps i si klasse. Etter turneringa køyrde dei heim og var framme kl. 02.00 for å få vere med på Jass Maritime Open. Der sette han banerekord på 64 slag. Det var sju birdiar, ein bogey og resten par. 

For nokre helgar sidan var han med på Lag-NM på Fana golfklubb der han spelte for Sunnfjord golfklubb.

Andreas har hatt ei fin utvikling og har gått jamt ned i handicap utover sesongen og er no komen ned på 2,7 i handicap. Det vert spennande å føglje utviklinga framover.

Andreas i lag med dei andre premievinnarane på Stiklestad golfklubb.

Overrekking av premiar.

19 spelarar våga seg ut for å spele Jass Maritime Open til trass for noko gult på himmelen som laga eit litt skarpt lys. Etter nesten ein månad med samanhengande regn var det godt å gå ei golfrunde utan paraply.

I Jass Maritime Open så vart det konkurrert i Stableford, brutto Herrer og brutto damer. Av damene så var det Elsie Hansen som vant brutto klassen på 88 slag med Bente Ørsal på andreplass på 94 slag. I brutto herrer så var det Andreas Nupen som slo til med ei kjemperunde på 64 slag og sette med det ny banerekord. Nærast Andreas var Lars Kåre Vikestrand på 72 slag og Joar Voldsund på 78 slag. 

Stablefordklassen vart også vunnen av Andreas Nupen på heile 43 poeng, som er meget imponerande når ein har 3,8 i handicap. Til vitande så gjekk Andreas denne runda på +3 i handicap og tok endå eit byks nedover til 2,7 i handicap. Det var eit lite hopp ned til nestemann som gjekk på 37 poeng. Det var tre stykker, med Trond Heltne, Helge Eltvik, Jostein Digernes. 

Det var også konkurrert i lengste utslag frå raudt og gult, og nærast pinnen på hol 7/16. Elsie var den som slo lengst frå raudt utslag og Andreas frå gult utslag. Etter fleire turneringar der Olav Trandal har vore nest nærmast holet så gjekk det endeleg hans veg og ingen kom nærare enn 1,47 m der han la utslaget sitt på hol 7.

Eigar av Jass Maritime, Stein Monsholm stod for premieutdelinga.

Helge Eltvik, Joar Voldsund, Bente Ørsal, Andreas Nupen (vinnar brutto herrer og Stableford), Lars Kåre Vikestrand, Elsie Hansen (vinnar brutto damer), Jostein Digernes, Olav Trandal, Trond Heltne og Stein Monsholm.

Tradisjonen tru så heldt vår hovudsponsor Sparebank1 SMN si invitational turnering første torsdagen etter klubbmesterskapet. Til trass for at det vart kollisjon med Sparebank1 Invitational på Sunnmøre Golfklubb og ei vermelding som lova godt med regn, så stilde 18 deltakarar opp i årets utgåve av Sparebank 1 Invitational. Deltakarane vart delt opp med tre spelarar på kvart lag. Det var konkurrert i Texas Scramble der alle slår ut, vel den ballen den ønsker og så slår alle ut frå den staden til ein er komen i holet. Kvar spelar måtte ha fire utslag kvar. 

Vinnarlaget med Jan Egil Gretland, Trond Heltne og Lars Johan Holsvik gjekk på -15, som var eit slag betre enn dei to laga bak. Det vart også konkurrert i lengste utslag på hol 19 og nærast pinnen på hol 7/16. Rune Strømmen tok likegodt begge to.

Sparebanken stilde med tre tilsette som sytte for ein matbit og drikke før ein gjekk ut og varm mat når spelarane kom inn igjen. Veldig kjekt at både Lars Johan Holsvik og Frank Vatne frå Sparebank1 SMN stilde i turneringa. Karen Otterstad frå Sparebank1 SMN Regneskapshuset fekk jobba litt og passa på golfarane som kom innom ved runding.

Takk til Sparebank1 for eit flott arrangement. 

Idar Arne Rebbestad, Jarle Nes, Bente Ørsal, Jan Egil Gretland, Trond Heltne, Lars Johan Holsvik, Jostein Digernes, Johan Liadal, Harald Indresøvde, Frank Vatne og Rune Strømmen.

Resultatlista finn de her

Helga 24. og 25. august så arrangerer dei fleste golfklubbane i landet klubbmesterskap. Det skal kårast ein klubbmester herre og ein klubbmester dame. I tillegg kan klubbane arrangere klubbmesterskap i andre klassar. Vi i Volda golfklubb har klassene Junior, vaksen, senior og eldre senior. I tillegg så konkurrerer alle i stableford klassa. Klubbmesterskapet går over to dagar der  ein speler 18 hol kvar dag. 

I år var det veldig jamt og etter dag 1 så skilde det eitt slag mellom dei fire beste i kampen om å bli klubbmester for herrer. Jan Egil Gretland og Lars Kåre Vikestrand gjekk første dag på 71 slag og Andreas Nupen og Ole Magnus Orlien gjekk på 72 slag. Det var jamt ganske lenge, men Ole Magnus hadde birdie på hol 13, 14, 15 og 16 og med det fekk eit lite forsprang som han holdt heilt inn. Ole Magnus vart med det klubbmester herrer for 15. gong.

I dameklassa så gjekk Iben Louise Hansen på 90 slag på dag 1 og 85 slag på dag 2. Med totalt 175 slag vart ho klubbmester dame.

I junior klassa så var det Andreas Nupen som vant på 146 slag. Han var lenge med i kampen om å bli klubbmester herre men enda til slutt nokre slag bak Ole Magnus. Andreas har hatt ein god sesong med spel på Srixon touren der dei beste i aldersbestemte klasser er med. Han var også med på lag-NM for nokre veker sidan. Han vil nok vere med å gi Ole Magnus kamp om klubbmestertittelen i åra som kjem. I vaksen klassa så var det Ole Magnus som vant med totalt 139 slag. I senior klassa så var det Jan Egil Gretland som vant med totalt 142 slag og var med det nærast Ole Magnus i kampen om å bli klubbmester herre. Jan Egil vant også stableford med 82 poeng. Heile 10 poeng foran nestemann som var Lars Kåre Vikestrand og Kenneth Rusten. I år var det ingen deltakarar i klassa eldre senior.

Det var i tillegg konkurrert i lengste utslag på hol 18 og nærast pinnen på hol 7/16. Andreas Nuipen var den som slo lengst og Ole Magnus var den som kom nærast pinnen. 

Resultatlistene finn de her

Andreas Nupen (Klubbmester Jr.), Lars Kåre Vikestrand, Kenneth Rusten, Ole Magnus Orlien (Klubbmester herre (vinnar av vaksenklassa), Iben Louise Hansen (Klubbmester dame) Jan Egil Gretland (klubbmester senior) og Sindre Winjevoll

Utsikta dei to klubbmesterskapsdagane.

Helge Eltvik fekk ei idrettsskade og kunne dessverre ikkje vere med på klubbmesterskapet, men stilde opp på dag 1 å kokte pølser og steikte vafler til deltakarane. På dag 2 så kokte Joar Voldsund pølser og Roy Inge Nupen stod for serveringa. 

Andreas puttar på green 18 medan Ole Magnus følgjer spent med.

Jan Egil set sin siste putt for seier i senior og stableford klassa.

Ballen på veg ned i holet for å sikre klubbmesterskap nummer 15.