11. september arrangerer vi årets siste Vegen-til-golf-kurs. Kurset kostar kr. 1500 og med det følger fritt spel for heile 2018. Med andre ord ei god avtale for deg som har lyst å prøve.
I Vassbotnen i Volda finn du ei flott 9 hols golfbane og med ein veldreven golfklubb. Klubben har i dag 262 medlemmar og stadig fleire kjem til. Golf har byrja å bli den nye folkesporten. Vi har eiga jr.gruppe, damegruppe og seniorgruppe. Så alle er hjartleg velkomne. Kurset går over 4 kveldar, der første kveld er teori og dei påfølgjende tysdagane er det praksiss på treningsområde og ut på bana.
Så send ein mail til This email address is being protected from spambots. You need JavaScript enabled to view it. eller sms til 90113751 og få ta del i den gleda det er å spele golf.
På bildet: F.v. Lars Kåre Vikestrand, Kristoffer Trandal, Jan Egil Gretland, Joar Voldsund, Ole-Magnus Orlien, Jørn Sævik, Johan Liadal, Brodie Bramich, Bjørn-Arve Korsfur og Per Arve Hovde.
I helga som var stilte totalt 26 golfarar til start i årets klubbmeisterskap. 14 spelarar i herreklassa, 11 spelarar i seniorklassa og 1 juniorspelar. På tvers av klassene vert det kåra ein klubbmeister i brutto slagspel og ein i stablefordpoeng. Baneforholda i Vassbotnen var upåklagelege denne helga og det same var vêret.
Etter endt spel laurdag var det svært jamnt i teten. I herreklassa gjekk Ole-Magnus Orlien på 71 slag, Webjørn Yksnøy Bergmann på 74 slag og Kenneth Rusten på 76 slag. I seniorklassa var det delt i leiinga mellom Johan Liadal og Per Arve Hovde, begge med 82 slag, føre Helge Eltvik med 88 slag. Kristoffer Trandal i juniorklassa gjekk på 72 slag. Det er fleire år sidan det har vore så tett i kampen om klubbmeisterskapstittelen.
Søndag vart startlista sett opp etter resultatlista laurdag. Sist ut gjekk då Orlien, Trandal, Bergmann og Rusten. Orlien og Trandal låg lenge veldig jamt og etter 14 spelte hol skilte det berre to slag mellom dei to. Orlien viste storspel på slutten og Trandal måtte til slutt sjå seg slått. På plassane bak Orlien i herreklassa vart det store omrokkeringar frå laurdagen. Jan Egil Gretland, Lars Kåre Vikestrand og Rune Strømmen hoppa høgt opp på resultatlista. Vikestrand viste svært godt spel og kom inn på 69 slag, Strømmen med 72 og Gretland med 73. Sammenlagt vart det godt nok til at Lars Kåre Vikestrand tok andreplassen og Jan Egil Gretland tredjeplassen i herreklassa.
I seniorklassa viste Johan Liadal seg svært stabil og tok sigeren med ei ny 82-runde. Per Arve Hovde kom inn slaget bak med ei 83-runde. Joar Voldsund klatra opp til tredjeplassen med ei god runde på 79-slag.
I stablefordklassa tok Kristoffer Trandal sigeren med 3 poeng over par. Like bak kom Bjørn-Arve Korsfur 2 poeng over par og tredjeplassen tok Jørn Sævik på par.
Søndag vart det også konkurrert i "lengste utslag" og "nærmast flagget".
Kristoffer Trandal kom nærmast flagget. På hol 7, ca 120 meter denne dagen, var Kristoffer berre 81cm i frå. Brodie Bramich hadde lengste utslag på hol 9, ca 265 meter.
I kalenderen ligg dagens SkOlsen-turnering inne som ei 18-holsturnering. Vi endrar dette til vanleg 9-hols scramble, og tek att 18-holsturneringa i september.
Frå september vert SkOlsen-turneringane flytta frå onsdag til laurdag/søndag.
21. august startar vi opp med Vegen-til-golf. Eit golfkurs som går over 4 kveldar (tirsdagane i tillegg til oppstartsdagen). Her får du lære det grunnleggande om golf og kome inn i eit godt miljø med eit flott opparbeid anlegg. Pris kr 1500,- for vaksne og kr 600,- for born og ungdom. Påmelding skjer til This email address is being protected from spambots. You need JavaScript enabled to view it. eller ein sms til 90113751. Volda GK har medlemmar frå 8 år og oppover så her er det inga begrensing. Ein flott sport for familietid.
19 deltakarar stilte til start på to-kølle-turneringa sist onsdag. Med to køller utanom putter i bagen vart dette dagen for både halvsving og kvartsving, slag dei fleste kanskje (tydelegvis) ikkje trenar mykje på. To deltakarar viste likevel at dei klarer seg godt med utplukka arsenal. Amund Yksnøy Bergmann og Joar Voldsund kom begge inn to slag under sitt par! Voldsund gjekk sigrande ut på grunn av lågare HCP. Desse to hadde likevel ikkje noko å stille opp med mot einaste deltakar i grønt kort-klassa. Oskar Vassbotn gjekk inn 10 slag under sitt par - ein svært god prestasjon.
SkOlsen 2 vart arrangert med 25 deltakarar sist onsdag. I teten vart det svært tett med Harald Dalsbø og Brodie Bramich på delt tredjeplass, 2 slag under par. På delt førsteplass kom Johan Liadal og Jan Trygve Gretland, 3 slag under par. Ein sterk prestasjon av alle fire.
Komande onsdag er det SkOlsen to-kølle-turnering. Vi stiller til start med to valgfrie køller pluss putter. Undervegs er det lov med eit køllebytte om ein skulle ønske det. Velkomen til ei utfordrande turnering der resultatet ofte vert mykje betre enn ein trur på førehand!
Fourball laga: Ålesund 2; Grete Eikrem og Anne Fausa. Volda 2 ; Bente Ørsal og Svein Aasen
Lagserien for seniorer (50+) er i full gang. Volda 1 har spela 2 bortekampar , tap i begge tilfeller, men dei kjem nok sterkt tilbake på heimebane.
Volda 2 spelte 1. kampen mot Ålesund på heimebane måndag 22.mai der det vart siger.
Volda 1 slit litt med å stille lag då mange av spelarane er i arbeid. Det er såleis plass for fleire viss nokon er interessert.
Det kreves medlemskap i Norsk seniorgolf for å kunne delta, medlemskapet gjev også rett til spel på andre baner på intil halv greenfee. ( sjå sida til NSG)
Golfklubben vil i år arrangere Pink Cup! Med damegruppa i spissen vil klubben arrangere denne turneringa laurdag 10. juni. All inntekt i samband med denne turneringa går til Kreftforeininga og er øremerka brystkreftsaka.
Turneringa går over 18 hol og formatet er scramble med 3 og 4 personar på lag.
Her vil vere god mat og kaffe. Både før, undervegs og etter turneringa vil det vere ulike mulegheiter til å støtte Kreftforeininga.
NB! Turneringa er sjølvsagt open for både damer og herrer.
Vi er godt i gong med sesongen og monge tek kontakt med spørsmål om golfkurs. Vi er i skrivande stund midt i første kurset for i år der vi har 14 lærevillige og positive deltakarar. Neste kurs startar 5. juni. Så her er det berre å sende ein mail til This email address is being protected from spambots. You need JavaScript enabled to view it. og melde seg på. Kurset går over 4 kveldar der ein av kveldane vert teori. Etter endt kurs mottek du golfkortet som gjer at du kan spele golf over heile verda. Prisen på kurset er for voksen kr. 1500 og for junior kr. 600. Inkludert i dette er fritt spel på Volda Golfbane ut året. Velkommen skal du være til eit trivelegt miljø på ei flott golfbane.
