Er du klar for å lære deg å spele golf? Volda GK vil i år arrangere 4 kurs og etter endt kurs kan du spele på golfbaner over heile verden. Volda GK har ved 1. januar 248 medlemmar og med ei flott 9 hols bane er vi alle klare for å innvie deg i eit godt miljø.
Kursoppstart er følgjande datoar:
Tirsdag 2. mai
Mandag 5.juni
Mandag 21. august
Mandag 11. september
Send ein mail til
Endeleg er vi i gong med å få tak over drivingrangen. I løpet av kort tid vil gravearbeidet ta til og vi støyper sokkelen på den nye drivingrangen. Dette arbeidet vil ta ca 3 veker. Røysing av stålkonstruksjon og pålegging av tak vil då være neste steg og vi har som mål at dette arbeidet skal stå ferdig til 17.juni. Å få på taket over utslagsstadane på drivingrangen, vil gje oss ein mykje behaglegare kvardag å få trene på. Været vil vi då ikkje være avhengig av for å kunne trene på ein god måte.
Har du moglegheit til å hjelpe klubben i arbeidet så send ein mail til
Siste moglegheit til å sikre seg ein plass i årets turnering er 12. juni. Startlistene blir lagt ut 13. juni. Volda GK skipar til fest! 17. og 18. juni blir det golfturneringar i Vassbotnen med flotte premiar og med ein unik muligheit til å vinne ein bil, sponsa av Berge & Co, avd Ørsta Verdi kr. 500.000,- det er forhandla fram rimeleg overnatting på Sagafjord Hotell. Det vil bli festmiddag på Sagafjord Hotell laurdag 17. med premieutdeling frå Sagafjord Open. Påmelding skjer i golfbox.
Spelar du golf på andre baner enn i Volda? Med Golfhäftet 2017 far du halv greenfee på over 800 baner fordelt i ulike land. Sjå fullstendig liste over baner på www.golfhaftet.com. Send ei mld til oss,
Hei
Har du av ein eller annan grunn bestemt deg for at du vil endre på din medlemskategori så må dette gjerast før 31.12.
Send ein e-post til
Jan Egil Gretland tok ein ny sterk siger i finalen mot Svein Aasen i Matchplay-cupen. Jan Egil vann 5&4, fem opp og fire igjen, og har no to napp i pokalen.
Siste Toyota touren vart arrangert søndag 9. oktober. Litt rimfrost på bana var det, men gode resultat vart det likevel.
Alle som har fem eller fleire runder vert med i Order of Merits. Ved fleire runder er det dei fem beste som vert teljande.
Lars Kåre Vikestrand tok samanlagtsigeren i nettoklassa i år med 165 slag totalt. Dette er 2 slag under par i snitt på dei fem teljande rundene!
Ole-Magnus Orlien tok samanlagtsigeren i bruttoklassa med 169 slag, totalt seks under banepar på 5 runder. Orlien tok også sigeren i "Eclectic"-konkurransa, der ein set saman alle rundene til ei superrunde. Den beste scoren på kvart enkelt hol. Her hadde Ole-Magnus ein score på 27 slag, seks birdies og ein eagle!
Etter ei periode med svært mykje nedbør var det før helga knytt stor spenning til baneforholda i Vassbotnen. Golfbana overraska positivt igjen - sjølv om det var vått var det godt spelbart laurdag førmiddag.
Ole Magnus Orlien var klar førehandsfavoritt i brutto slagspel i herreklassa. I seniorklassa var det mykje opnare og i og med at seniorgrensa i år er flytta frå 55 til 50 år vart det straks fleire deltakarar i denne klassa i år.
Etter første dag tok Orlien leiinga i herreklassa med ei sterk runde på 64 slag. På plassane bak kom Jan Egil Gretland med 75 slag og Webjørn Yksnøy Bergmann med 77 slag. I seniorklassa var det litt jamnare i teten, med Per Arve Hovde med 77 slag, Joar Voldsund med 80 slag og Per Kristian Langlo med 83 slag som dei tre beste resultata. Kristoffer Trandal var åleine i juniorklassa og opna med ei runde på 86 slag. I stableford-konkurransa leda Per Arve Hovde og Helge Eltvik med 37 poeng etter første dag, tett fylgt av Ole Magnus Orlien med 36 poeng, Jan Egil Gretland og Webjørn Y. Bergmann begge med 35 poeng. Med tanke på forholda og vêret er dette imponerande resultat.
Dag to i meisterskapen kunne by på mykje betre vêr, stort betre enn dette kan ein knapt ønskje seg i oktober. Beste herrespelar, seniorspelar, juniorspelar og leiar av stablefordkonkurransen vart tatt ut i leiargruppa. Resten etter laurdagens samla resultatliste.
Kristoffer Trandal forbetra skåren sin frå laurdagen med 7 slag og endte med eit respektabelt resultat på totalt 165 slag. I seniorklassa heldt Per Arve Hovde leiinga, men ikkje heilt utan spenning. Etter ein litt trøblete start henta han seg inn igjen og vann til slutt klassa med 2 slag til nestemann på lista, Johan Liadal. Liadal låg før søndagen på ein 4. plass, men med ei ny god runde på 85 slag klatra han til sølvplass. På tredjeplass kom Joar Voldsund. I herreklassa var det ein jamn kamp om andreplassen mellom Jan Egil Gretland og Webjørn Y. Bergmann. Dei to låg lenge likt, men Gretland viste seg meir stabil og dei to gjekk inn til likt resultat for dagen, 75 slag, og Gretland tok dermed andreplassen to slag føre Bergmann. Ole Magnus Orlien forsvara 9-slags leiinga frå første dag med ei ny sterk 72-runde, totalt 138, og vann dermed både herreklassa og klubbmeisterskapen 2016.
I stableford-konkurransen tok Bergmann sigeren med eit aldri så lite byks på resultatlista, med eit samla resultat på sitt par. Gretland tok andreplassen to poeng bak og Orlien tredjeplassen fire poeng bak der igjen.
Søndagen vart det også konkurrert i lengste utslag på hol 9 og 18, og nærast flagget på hol 7 og 16. Lengste utslag vart vunne av Webjørn Y. Bergmann med eit utslag på ca. 250 meter. Ole Magnus Orlien kom nærast flagget med 295 cm.
Turneringane utover hausten er no stort sett på plass - med nokre viktige endringar og forbehold.
17. sept. Toyota Tour 11.
18. sept. NVT Ålesund - påmelding ligg som før under Sunnfjord Golfklubb.
24. sept. Toyota scramble.
25. sept. Minneturnering - Sjur Hamar.
1. og 2. okt. Klubbmesterskap.
7. okt. Nattgolf. (Viss vêret er brukbart)
9. okt. Toyota Tour 12. (Merk: Søndag)
Etter dette set vi opp turneringar med ulike speleformer søndagane så lenge bana og vêret tillet det.
Turneringsnemnda
Turneringa onsdag 10. august blir 9-hols scramble lagturnering. Vi oppfordrar spesielt alle som har tatt kurset i seinare tid om å melde seg på. Er du usikker på korleis du melder deg på så møt opp på golfbana før kl 17:15 så får du hjelp.
Golf for alle dagen i dag tirsdag 9. august blir avlyst på grunn av været.
Sjølv om det er midt i ferien så stilte heile 49 golfarar opp i turneringa iBulgaria Open. Det vart nok ein spennande golfdag i Vassbotnen i strålande sommarver.
Det vart dessverre ikkje delt ut bil i dag heller som hole in one premie på hol 2. Ein kunne velge mellom ein Kia eller ein Peugeot til ein verdi på kr. 500.000 som var sponsa av Volda Bil AS og Volda Bilsenter AS.
Det vart premie til dei sju beste både i bruttoslag og nettoslag i tillegg til lengste utslag på hol 9/18 og nærast holet på hol 7/16. Hovudpremien er ein vekes golftur til Bulgaria i september som vart trekt mellom vinnaren i nettoslag og bruttoslag.
Det vart også i dag omspel då det var to med lik poengsum i nettoslag. Det var Per Kristian Langlo frå Volda golfklubb og Robert Buchan Graham frå Sunnmøre golfklubb som begge gjekk på -4. Omspelet vart avgjort på hol 1 der det vart heimesiger. På 3. plass kom Kristoffer Trandal på -2 og på delt 4. plass kom Greg Skjeret Coleman, Jan Egil Gretland, Sjur Hamar, Dag Roar Ørsal, Amund Yksnøy Bergmann og Torbjørn Strand på par.
I bruttoslag kom Greg Skjeret Coleman frå Ålesund golfklubb på 1. plass med 70 slag. På dei neste plassane kom Anthony John Coleman på 75 slag, Jan Egil Gretland på 75 slag, Kristoffer Trandal på 76 slag, Robert Buchan Graham på 76 slag, Per Kristian Langlo på 77 slag og Tony Leknes på 78 slag.
I trekninga om hovudpremien mellom Per Kristian Langlo og Greg Skjeret Coleman var det Greg som vart trekt ut som vinnar. Greg hadde også lengste utslaget av herrane på hol 9/18. Av damene så var det Elsie Hansen som også i dag var lengst. Øivind Andre Tveiten var nærast holet på hol 7/16.
Volda golfklubb er veldig førnøgd med at det var så mange gjestespelarar som var med på turneringane denne helga. I dag var det spelarar frå Kjekstad golfklubb, Larvik golfklubb, Rauma golfklubb, Sunnmøre golfklubb, Vanylven golfklubb og Ålesund golfklubb i tillegg til Volda golfklubb.
Fullstendig resultatliste kan du finne ved å klikke her.
| |
| Frå venstre: Elsie Hansen, Tony Leknes, Greg Skjeret Coleman, Anthony John Coleman, Per Kristian Langlo, Robert Buchan Graham, Øivind Andre Tveiten, Kristoffer Trandal og Jan Egil Gretland |
 |
| Ein av flightane på hol 3. |
 |
| Mange tilskodarar under omspelet. |
 |
| Per Kristian slår seg inn på green på hol 1. |
Page 35 of 49